1 Korintu 10:23 - Sura Malelaha

²³ Arakau au manguli, “Anti kanakabahanta Pue Ala hangko i huku dosanta, ido hai peisake mobabehi apa pea peundeata.” Tou, agaiana iko manguli, ope-ope peisa tababehi, agaiana ara au mobundu hai ara wori au bara mobundu. Peisake mobabehi apa peundeata, agaiana bara ope-ope ina mopakaroho laluna ranganta.

1 Korintu 10:23 Mawu Ofanana

Roma 14:15

Nodo wori, ane kuande apa au nauli rangangku rapalia duuna kupakapari laluna, madosa worina, lawi barana maahi i rangangku. Ido hai kuuli, hangangaa tapamaroa-roa babehianta bona inee takelo ranganta hai paande au taande alana tapakanawo pepoinalaina. Lawi ranganta iti, iami halalunta hampepepoinalai au nahorema worimi Kerisitu hangko i kamadosana.

1 Korintu 14:12

Nodo wori hai ikamu halalu, ane mololitakau i lalu basa au hangko i Inao Malelaha, bara ina raisa rangami lempona. Mewali, ane nipeinao molambi kapande hangko i Inao Malelaha, hangangaa niperapi i Pue bona Naweikau kapande mopakaroho laluna rangami au maminggu sambela.

1 Korintu 14:17

Kehapiri maroa pekakaenta manguli ngkaia kamaroana i Pue Ala, agaiana bara ina mobundu i ranganta, lawi pekakaenta iti bara mopakaroho lalunda.

1 Korintu 14:26

Mewali halalu, apa lempona ope-ope iti? Ane maminggukau, hadua-hadua tauna ara kamapandenda: arahe au monani, arahe au mepaturo, arahe au mopahawe lolita hangko i Pue Ala, arahe au mololita i lalu basa au hangko i Inao Malelaha, arahe au mopalimba lempona lolitanda iti bona raisa ope-ope tauna. Agaiana hinangkana iti hangangaa nibabehi bona mopakarohokau lalunda rangami.

1 Korintu 6:12

Arakau au manguli, “Anti kanakabahanta Pue Ala hangko i huku dosanta, ido hai peisake mobabehi apa pea peundeata.” Tou, agaiana iko manguli: ope-ope peisa tababehi, agaiana ara au mobundu hai ara wori au bara mobundu. Peisana mobabehi apa peundeaku, agaiana bara kuunde ane watangku ide nakuasai ba apa pea.

1 Korintu 8:1

Kaliliuana, ina mololitana kana i paande au rapopenomba i anitu. Niuli, “Ikita to Sarani, mapandeke, taisami paturo au tou.” Tou mpuu agaiana kuuliangaakau: anti kamapandemi iti, arakau au mampemahile. Aginami maahike i ranganta hai tapakaroho lalunda hangka ranganta.

1 Korintu 8:9

Agaiana hangangaa maroa-roakau halalu. Peisa mpuuke moande paande iti hangko i kabulana lalunta, agaiana inee tapakanawo ranganta au bara mani woia maroho pepoinalaina.

2 Korintu 12:19

Ineeri nipehangu kiuki ope-ope ide bona mouli pea notongki. Halalu au kipokaahi! Mololitangkai irikamu anti pohintuwuki hai Kerisitu. Pue Ala au mosabikike! Ope-ope au kipahawe, ope-ope au kibabehi, kipahawe hai kibabehi bona maroho pepoinalaimi.

Epesu 4:29

Inee ara lolita kadake mesuwu hangko i humemi. Agina mohowarakau lolita au hintoto au ina motulungi hai mopakaroho laluna hangka rangami. Lolita au nodo ina moanti roa ngkatuwo i tauna au mohadi.

1 Tesalonika 5:11

Idomi hai halalu, hangangaa mombepaturokau hai mombepakaroho mpolalukau nodo au nibabehi ide-ide.

1 Timotiu 1:4

Nukontohe bona ineehe mampololita lolita au rabababehi ba au bara tou kana i ulu bubunda au bara mau hopo. Ope-ope iti mopaara pea pobungka-bungka, lawi barahe mampeulai tunggaiana Pue Ala au taisa hangko i pepoinalainta.