1 Korintu 10:13 - Sura Malelaha

¹³ Hinangka pekelo au morumpake, pekelo biasa pea au ralambi wori tauna ntanina. Agaiana Pue Ala mokatuinao liliu dandiNa irikita; barake ina Napogiangaa rakelo meliu hangko i rohona lalunta. Ane narumpake pekelo, Pue Ala ina moweike rara monangi pekelo iti bona peisake mantaha i lalu pepoinalainta.

1 Korintu 10:13 Mawu Ofanana

Matiu 6:13

Inee wongkamia Nupogiangaa nakelo tokadake agaiana Nukabaha wongkamia hangko i kuasa au kadake. [Lawi Oiomi ampu Kadatua hai Kuasa hai Peawa, hawe i hae-haena. Amin.]

Lukasi 11:4

Nuampungi wongkamia hangko i kamasalangki, lawi moampungi woringkai hema-hema pea au masala irikami. Hai inee wongkamia Nupogiangaa rakelo.”

Lukasi 16:26

I olonta ara hambua kabe au matindo ntepuu, au bara peisa rapoliungi. Ido hai tauna hangko inde bara peisa lao inditi, hai tauna hangko inditi bara peisa mai inde.’

Lukasi 22:46

Nauliangaahe, “Moapari hai letakau? Mearomokau hai mekakaekau datikau narumpa pekelo.”

Suro 27:44

Roo indo, motudu worihe tauna au bara raisa monangu bona moalahe pata ba kapengka kapala rapotinanto lao i lorena. Ido hai hawe hahangkai i lorena.

1 Korintu 1:9

Pue Ala mokakiokau bona mohintuwukau hai AnaNa, Yesu Kerisitu Amputa, hai Ia mopabukei liliu dandiNa irikita.

2 Korintu 1:10

Mewali halalu, Nakabaha mpuumongkai Pue Ala hangko i kapari au rumihi iti, ido hai barangkai mate. Hai kiisa Pue Ala ina mokabahangkai hangko i hinangka kapari, maroa au morumpangkai ide-ide ba i alo-alo au ina mai.

1 Tesalonika 5:24

Pue Ala au mokakiokau, au ina mopabukei hinangkana iti, lawi Ia madudu.

2 Tesalonika 3:3

Pue Yesu bara mokabaha pekadipuraNa irikamu. Ia ina mopakaroho lalumi hai mampeparaikau hangko i Datu Tokadake.

2 Timotiu 4:18

Hai ide-ide batengku nakabaha Pue hangko i ope-ope au kadake, hai Naantina mesua i lalu poparentaNa i suruga au bara ara kamakurana. Tapomahilemi hangaNa hawe i hae-haena. Amin!

Ibarani 10:23

Hangangaa meharunga liliuke i Yesu, hai ineeke langa mopangaku kaIana Amputa, lawi Pue Ala mopabukei liliu dandiNa irikita.

Ibarani 11:11

Anti pepoinalaina Burahima, Burahima hai Sara peisahe moana, nauri Burahima saemi hai Sara lalo. Iti mewali lawi manoto i laluna Burahima, Pue Ala ina mopabukei dandiNa iria.

Ibarani 12:4

Lawi ikamu raewa worikau tauna au kadake, agaiana i lalu pombealami moewa dosa, bara manikau rapapate nodo Yesu.

Ibarani 6:18

Ane Pue Ala mopahawe dandiNa, bara modongko. Nodo wori ane Ia mohowara sumpaNa, bara modongko. Lolita au rompaka iti bara ara katebaliana. Pue Ala modandi hai mosumpa bona maroho lalunta. Hai ikita ide, mopalehimoke katuwonta hai dosanta hangkoia bona tapegia apa au Nadandiake.

1 Peturu 4:19

Ido hai, halalu, ane arakau au molambi kapari moula peundeana Pue Ala, nipaisare katuwomi i Pue Ala au mampopewali hinangkana, hai hangangaa nibabehi liliu babehia au maroa. Hai Pue Ala ina mopabukei ope-ope dandiNa irikamu.

2 Peturu 2:9

Mewali, hangko i ope-ope pandiri au kupahawe inona, tongawami kuasana Pue Ala motulungi tauna au menomba Iria datihe napakanawo pekelo. Hai tongawa wori kuasaNa mohuku ope-ope tauna duuna hawe alo pebotusi.

1 Yohane 1:9

Ane mopangakuke dosanta, Pue Ala ina mopabukei dandiNa irikita, hai Nababehiake apa au manoto: Ia moampungi dosanta, hai mobahoi lalunta hangko i hinangka dake.

Pampetudungia 19:11

Roo indo, kuita suruga tebungkahi, hai kuita hambaa dara au bula. Hai au mesawi i dara iti, rahanga: “Au Tetida hai Au Manoto.” Manoto pebotusiNa, hai ane mombeala, mombeala i kanoto-notoana.

Pampetudungia 2:10

Bona niisa: Datu Tokadake ina motarunggu hanggaa hangko irikamu, hai ina nakelokau bona mousulikau hangko i pepoinalaimi. Ina rapopeahi-ahikau hampulo alona kamahaena. Agaiana inee nipokalanga pepopeahi-ahi iti. Hangangaa mantahakau i lalu pepoinalaimi kehapirikau rapapate. Ane nodo nibabehi, ina Kuweikau katuwo maroa au bara mokahopoa, hurungina penangimi.

Pampetudungia 3:10

Anti kanipeulaina hawaNgku au manguli hangangaa mantahakau, ido hai ina Kupeparaikau hangko i kapari au ina morumpa humalele dunia. Ope-ope tauna au maida i dunia, ina rapetandakahe i tempo kapari iti.