1 Korintu 10:1 - Sura Malelaha

¹ Halalu, nikatuinao apa au mewali i toiorunta hangkoia au naantihe nabi Musa mopalehi tampo Masiri. I kapadunda hangko i tampo Masiri, Pue Ala moninihe hai gawu au mampoioruahe i polumaonda. Ihira ope-ope mowetahe Tahi Malei au napopogaa Pue Ala bona rapoliungi.

1 Korintu 10:1 Mawu Ofanana

Yohane 4:20

Ikami to Samaria menomba i bulu ide, i bulu penombaanda toiorungki. Agaiana pangulimi to Yahudi, i Yerusale pea penombaa au tou.”

Roma 1:13

Halalu bona niisa bosami belana ara tunggaiaku lao mosondakikau, agaiana ara liliu au mohombokina. Tunggaiaku mosondakikau bona pobagongku ara wori wuana i olomi, nodo pobagongku au arami wuana i olonda tauna au barahe to Yahudi au arahe i wanua ntanina.

Roma 11:21

Lawi ane Pue Ala motendemohe to Yahudi au nodomohe daangkau au tuwo i watana hangko i nguru-nguruna, apa mani ikamu au hangko rapopentaka topeakau.

Roma 4:11

Burahima ratile aminami mepoinalai. Karatilena iti mewali pea tanda kamanotona i peitana Pue Ala. Mewali, tongawami irikita Burahima mewali manoto i peitana Pue Ala anti pepoinalaina nauri barato ratile. Ido hai peisa tauli Burahima rapouma tauna au barahe to Yahudi au mepoinalai i Yesu, lawi kehapirihe bara ratile moula Aturana Musa, batena mewalihe manoto i peitana Pue Ala anti pepoinalainda au himbela hai Burahima.

1 Korintu 12:1

Kaliliuana halalu, ina mololitana kana i kapande au tahumba hangko i Inao Malelaha. Tunggaiaku bona niisa mpuu apa au tou.

1 Korintu 14:38

Agaiana ane barahe mampoinalai paturongku ide, ineehe rapoinalai!

Galatia 3:29

Anti pohintuwuta hai Kerisitu, Naimbamoke pemuleana Burahima, hai batena mohumbake apa au nadandi Pue Ala, iria.

Ibarani 11:29

Anti pepoinalainda, to Isaraeli hangkoia mowetahe Tahi Malei nodo peahe molumao i lorena. Agaiana to Masiri au mewulai, matehe maliso.