1 Korintu 1:5 - Sura Malelaha

⁵ Anti pohintuwumi hai Kerisitu, Naweimokau hinangkana pewati au mobundu i katuwomi: Napopaisaamokau paturo au tou, hai Naweimokau kapande mopahawe paturo iti.

1 Korintu 1:5 Mawu Ofanana

Suro 2:4

Roo indo, ope-ope tauna iti nakuasaimohe Inao Malelaha, hai mepongkamohe mololita i lalu ngkaia pakana basa au bara mani raisa, moula apa au napakanotoahe Inao Malelaha.

Roma 11:12

Anti pesapuakanda to Yahudi hai kadanda mepoinalai i aturana Pue Ala, tauna au barahe to Yahudi molambihe pewati hangko i Pue Ala. Mewali, apa mani ane to Yahudi menoso hai mesule hulehe i Pue Ala, mahile mpuu pewati au ina rahumba tauna au barahe to Yahudi iti hangko i Pue Ala.

Roma 15:14

Halalungku ope-ope! Kuisa mpuu kangkaiana babehiami au maroa. Niisami paturo hangko i Ngkorana Pue, hai niisa mombepakaroho mpolalu hadua hai hadua.

Roma 15:4

Ope-ope au teuki hangkoia i lalu Sura Malelaha, teuki bona mewali paturo irikita. Hangko i paturo au tahumba i lalu Sura Malelaha iti, tabuku mantaha i lalu kapari, hai tehuweki lalunta bona maroho peharunganta i Pue Ala.

1 Korintu 12:10

I tohaduana, Nawei kapande mobabehi tanda kuasa; i tohaduana, Nawei kapande mopahawe lolita hangko i Pue Ala. I hadua wori, Nawei kapande mampopontani apa au hangko i Inao Malelaha hai apa au bara hangko i Inao Malelaha. I tauna ntanina, Nawei kapande mololita i lalu basa au hangko i Inao Malelaha. Hai i hadua wori, Nawei kapande mopalimba lempona basa iti bona raisa hangka rangana.

1 Korintu 12:8

I hadua tauna, Nawei Inao Malelaha kapande mepaturo. I tohaduana, Nawei kapande mopakanoto lempona Ngkorana Pue Ala.

1 Korintu 13:2

Ane rapana, molambina kapande mopahawe lolita hangko i Pue Ala hai molambina ope-ope kapande hangko i Pue Ala au bara raisa rangangku, hai ane maroho pepoinalaingku pane kubuku mopalimba bulu, agaiana bara maahi lalungku, bara mpuu ara bunduna katuwongku.

1 Korintu 13:8

Ahi bara ara kahopoana. Agaiana ane arake au mapande mopahawe lolita hangko i Pue Ala, hambela tempo kapande iti barapi ina ara. Ane arake au mapande mololita i lalu basa Inao Malelaha, hambela tempo kapande iti ina ope. Ane molambike kapande hangko i Pue Ala bona moisake apa au bara raisa ranganta, hambela tempo, kapande iti barapi raparaluu.

1 Korintu 14:26

Mewali halalu, apa lempona ope-ope iti? Ane maminggukau, hadua-hadua tauna ara kamapandenda: arahe au monani, arahe au mepaturo, arahe au mopahawe lolita hangko i Pue Ala, arahe au mololita i lalu basa au hangko i Inao Malelaha, arahe au mopalimba lempona lolitanda iti bona raisa ope-ope tauna. Agaiana hinangkana iti hangangaa nibabehi bona mopakarohokau lalunda rangami.

1 Korintu 8:11

Kahopoana, hangko i kamapandeta iti, mopakanawomoke halalunta au bata-bata mani laluna. Hai au tapakanawo iti, iami halalunta hampepepoinalai au napahurumi Kerisitu hangko i huku dosana.

2 Korintu 4:6

Lawi Pue Ala au mongkora, Nauli, “Hangko i kamakaindi, mesupami baa!”, Ia worimi au mampopesupa baa i lalunta, bona moisake peawana tuwona Pue Ala au tongawa i tuwona Kerisitu.

2 Korintu 6:10

Masusa lalungki, agaiana matana liliu woringkai. Tuwongki meahi-ahi, agaiana moantingkai pewati i tauna bosa. I peitana manusia, ngkaia kamakurangki, agaiana katouana hinangkana ara irikami.

2 Korintu 8:7

Halalu, i paka-pakana ikamu tepaiwongkomokau: tepaiwongkokau i pepoinalaimi, i paturo au tou, i kapandemi mepaturo, i kaniisana metulungi, hai i kamahilena kamaahimi irikami. Idomi halalu hai kuperapi hangangaa tepaiwongko worikau i lalu pobagomi motulungi rangami au meahi-ahi tuwonda.

2 Korintu 9:11

Ikamu ina napoporasikau Pue Ala i hinangka pewati bona bula lalumi i rangami. Mewali, ane kiantimi popenombami i hangka ranganta au meahi-ahi tuwonda, bosa tauna ina manguli ngkaia kamaroana i Pue Ala.

Epesu 1:17

Mekakaena i Pue Ala au meawa, Umana Amputa Yesu Kerisitu. Kuperapi Iria bona Naweikau Inao Malelaha au mopamanoto lalumi, duuna moisa ntepuukau Pue Ala.

Epesu 2:7

Tunggaiana Pue Ala bona i alo au ina mai, ina Natudungiake kamahilena ahiNa hai kamaroana laluNa au tahumba hangko i pohintuwuta hai Kerisitu Yesu.

Epesu 3:8

Hangko i ope-ope tauna au mepoinalai i Pue Yesu, ikomi au tepaiwoi tuwongku. Nauri nodo, anti kabulana laluna Pue Ala, Napileimona bona mobambarina Ngkora Marasa i tauna au barahe to Yahudi kana i kamahilena pewati au bara tehoka au tahumba hangko i Kerisitu.

Epesu 6:19

Hai nipekakaea worina bona i tempoku mololita, Pue Ala moweina lolita au manoto bona datina langa mopahawe Ngkora Marasa au tewuniangi hangkoia.

Pilipi 1:9

Mewali, kupekakaeakau i Pue Ala, kuperapi bona tetambai liliu kamaahimi, hai tetambai wori kamapandemi moisa apa au tou, duuna manoto ntepuu lalumi.

Kolose 2:3

Lawi Kerisitumi au mopakanoto lalunta bona moisake ope-ope tunggaiana Pue Ala irikita.

Kolose 3:10

hai ide-ide mohumbamoke katuwo au wou, lawi napopewalimoke Pue Ala manusia au wou. Ia mowouki liliu lalunta bona mampeulaike babehiaNa, hai bona moisake apa au tou kana Iria.

Yakobu 3:13

Ane ara tauna i olomi au maroa pekirinda hai au manoto lalunda, iti hangangaa rapatongawa i babehianda au maroa au mesuwu hangko i lalunda au mengkaiwoi moula apa au hintoto i tauna au manoto lalunda.

2 Peturu 3:18

Hangko i kabulana laluna Amputa Yesu Kerisitu hai kanoto lalu au Naweikau, hangangaa nipakaroho peulami Iria au mohoremake hangko i huku dosanta. Tatoiami Amputa mepongka ide-ide hawe i hae-haena. Amin. Hangko iriko, PETURU