1 Korintu 1:4 - Sura Malelaha

⁴ Halalu, barana mengkangkaroo manguli ngkaia kamaroana i Pue Ala anti kaikamuna, lawi Ia moweikau pewati hangko i kabulana laluNa anti pohintuwumi hai Kerisitu Yesu.

1 Korintu 1:4 Mawu Ofanana

Matiu 19:11

Nahanai Yesu, “Bara ope-ope tauna au peisa modoko lolita ide. Agaiana ara tauna au napakanoto Pue Ala bona barahe motambi.

Yohane 10:30

Iko hai UmaNgku, hadua peaNgkai.”

Yohane 14:14

Apa pea au niperapi anti pepoinalaimi Iriko, ina Kubabehi.”

Yohane 14:16

Ina kuperapi i UmaNgku bona Naweikau hadua Topetulungi au ntanina bona Ia mamporangaikau hawe i hae-haena.

Yohane 14:26

Agaiana Topetulungi au natudu mai UmaNgku mewali pahuruna wataNgku, iami Inao Malelaha, Ia ina mopaturoakau hinangkana hai Napopaingaakau ope-ope au Kuuliangaamokau.

Yohane 15:26

Ina mai Inao Malelaha, lempona Inao au mesuwu hangko i Pue Ala hai au moninikau i paturo au tou. Ia Topetulungi au ina Kutudu mai irikamu au hangko i UmaNgku. Ane mai, Ia ina mosabi kana Iriko.

Suro 11:23

Baranaba iti, tauna au maroa laluna. Ia nakuasai Inao Malelaha hai maroho pepoinalaina. Kahawena Baranaba i Antiokia, matana mpuu laluna, lawi naita kamahilena pewatina Pue Ala irihira au mepoinalai i Yesu. Mewali, Baranaba mopakaroho lalunda, hai nauliangaahe bona mampeulai liliuhe Pue Yesu hangko i lalunda. Ido hai bosa wori to Antiokia mepoinalai i Pue Yesu.

Suro 21:20

Karahadina lolitana Paulu, motoiamohe Pue Ala. Hangko inditi, mopahawehe lolita ide i Paulu, rauli, “Halalu bona nuisa, isabunami halalunta to Yahudi au mepoinalai i Yesu. Hai mampeulai mani worihe Aturana Musa hangko i lalunda.

Roma 1:8

Ioru, mopahawena katana lalungku i Ampuku Pue Ala i lalu hangana Yesu Kerisitu, anti kaikamuna halalu, lawi tebambarimi i humalele dunia kamarohona pepoinalaimi i Pue Yesu.

Roma 6:17

Mangulina ngkaia kamaroana i Pue Ala, lawi hangkoia hangko damanikau mepoinalai i Yesu, napohawikau dosa. Agaiana ide-ide hangko i lalumi mpuu mampeulai paturo au rapahaweakau.

1 Korintu 1:3

Kuharunga Pue Ala Umanta hai Pue Yesu Kerisitu mowatikau hai moweikau roa ngkatuwo.

1 Timotiu 1:14

Nauri mahile dosangku, agaiana melumbu mani kamahilena ahina Pue Ala. Natulungina hangko i kabulana laluNa, alana mampoinalai hai mampokaahina Kerisitu Yesu.