1 Korintu 1:30 - Sura Malelaha

³⁰ Pue Ala pea au mobungkahiake rara pane mohintuwuke hai Kerisitu Yesu. Anti pohintuwuta hai Kerisitu Yesu, taisami kamapandena Pue Ala: Napamanotomoke Kerisitu i peitana Pue Ala, au mopamalelahamoke, hai au mohompomi dosanta.

1 Korintu 1:30 Mawu Ofanana

Matiu 1:21

Maria ina moana hadua tobalilo. Anangkoi iti, hangangaa nuhanga ‘Yesu’, lawi Ia au ina mohorema taunaNa hangko i dosanda.”

Lukasi 11:49

Pue Ala moisa kakadakena babehiami. Babehiami iti himbela hai babehianda toiorumi au kadake. Ido hai hangkoia mongkorami Pue Ala node: ‘Ina Kutuduhe nabi-nabi hai suro-suroNgku lao irihira. Hantangahe ina rapapate, hantangahe ina rapopeahi-ahi.’

Lukasi 21:15

Lawi Iko ina mowoli i lalumi pehanami au manoto alana bara rabuku iwalimi mosapuaka apa au niuli.

Yohane 1:18

Bara ara hadua au moita Pue Ala, batena pea AnaNa Haduduana au ara liliu hihimbela hai Ia. Iami au mopakanotoake kahemana Pue Ala.

Yohane 14:6

Nauli Yesu, “Ikomi rara, Ikomi au mopahawe paturo au tou, hai Ikomi au moweikau katuwo au bara mokahopoa. Bara ara hadua au peisa hawe i UmaNgku, ane bara mepoinalai Iriko.

Yohane 17:26

Kupopaisaamohe kahemaMu, hai batena Kupahawe liliu kahemaMu bona mampokaahihe ranganda nodo kaNupokaahiNgku, hai bona mohintuwuhe hai Iko.”

Yohane 17:8

Kupahaweamohe ope-ope lolita au NupahaweaNa. Lolita iti radokomi, hai ide-ide tou-tou mpuu raisami Iko hangko IrioNa mai. Rapoinalaimi kaOiona au motuduNa.

Yohane 8:12

Roo indo, mololita mbulimi Yesu mepaturo, Nauli, “Ikomi pewangka au mopamabaa lalu manusia i humalele dunia. Tauna au meula Iriko, barahe molumao i kamakaindi. Batena molambihe kamabaa au mopaara katuwo au bara mokahopoa.”

Suro 26:18

Idemi tunggaiaKu motuduko lao irihira bona tebungkahi matanda, hai mopalehihe kamakaindi lao i kamabaana, hai tekabahahe hangko i kuasana Datu Tokadake hai mepoinalaihe i Pue Ala. Mewali, anti pepoinalainda Iriko, teampungimi dosanda, hai mewalimohe taunana Pue Ala.’ ”

Roma 1:17

Hangko i Ngkora Marasa iti, taisa noumba rarana Pue Ala moimbake manoto i peitaNa, anti pepoinalainta Iria. Bara ara rara ntani, lawi i lalu Sura Malelaha teukimi node, “Tauna au manoto i peitana Pue Ala, ina molambihe katuwo maroa anti pepoinalainda.”

Roma 11:36

Lawi ope-ope au ara, napopewali hai nakuasai Pue Ala bona Ia pea au rapomahile. Tetoiami Pue Ala hawe i hae-haena! Amin!

Roma 12:5

Nodo wori ikita au mepoinalai i Kerisitu, bosake agaiana hawata-wata peake i lalu pohintuwuta hai Kerisitu. Mohintuwuke hadua hai hadua.

Roma 16:11

Tabeangku wori i Herodion, hangka to Yahudingku. Tabeangku wori i halalunta hampepepoinalai au ara i souna Narkisus.

Roma 16:7

Nipahawe wori tabeangku i Andronikus hai Yunia hangka to Yahudingku, au ratarunggu sambelangkai hai au rabilahe i olonda ope-ope surona Pue Yesu. Ihira mahaemohe mepoinalai i Pue Yesu, hangko damanina, iko mepoinalai.

Roma 4:25

Yesu itimi au mokira wataNa rapapate mohuru salanta. Hai roo indo, Pue Ala mopatuwo hule Yesu bona mewalike manoto i peitaNa.

Roma 4:6

Paturo ide himbela hai lolitana Datu Daudi hangkoia. Lawi Daudi mampololita kana i kamorasinda tauna au nadoko Pue Ala, hai au Naimba manoto i peitaNa, agaiana bara anti kamaroana babehianda.

Roma 5:19

Anti kadana mengkoru Adama i Pue Ala, alana ope-ope tauna madosa hahami. Nodo wori, anti pengkoruna Yesu i Pue Ala duuna mate i kau mombehape, ope-ope tauna peisami mewali manoto i peitana Pue Ala.

Roma 5:21

Hangkoia, dosami au makuasa i lalu katuwonda tauna, alanda ope-opehe hangangaa rahuku mate hai ragaakihe hangko i Pue Ala. Agaiana ide-ide, kabulanami laluna Pue Ala au makuasa i lalu katuwonta. Hangko i kabulana laluna Pue Ala, Naimbamoke manoto i peitaNa hai Naweike katuwo maroa au bara mokahopoa i lalu Yesu Kerisitu Amputa.

Roma 8:1

Mewali, ide-ide barapi ara pehuku irikita au mohintuwumoke hai Kerisitu Yesu.

Roma 8:23

Hai bara pea dunia ide au mantodiha. Ikita au modokomoke Inao Malelaha, mantodiha worike i lalu katuwonta. Mampegiake tempona Pue Ala mokabaha watanta hangko i kapate, Nadokoke nodo anaNa, hai Naweike katuwo mahile moula podandiNa irikita.

Roma 8:9

Agaiana ikamu halalu, barapokau moula peundeana lalumi au kadake. Moulamokau peundeana Inao Malelaha, ane Inaona Pue Ala iti maida i lalumi. Ane tauna au bara ara Inaona Kerisitu i lalunda, barahe to Sarani.

1 Korintu 1:24

Agaiana i tauna au nakakiomohe Pue Ala, maroa to Yahudi ba au bara to Yahudi, bambari iti, naporara Kerisitu mopatongawa kuasaNa hai kapandena Pue Ala.

1 Korintu 12:18

Pue mamboli hinangka ngaana watanta i paidaana, hintoto hai peundeaNa.

1 Korintu 12:27

Ikamu ope-ope wataNamokau Kerisitu, hai hadua-haduakau iami hangkira hangko i wata iti.

1 Korintu 12:8

I hadua tauna, Nawei Inao Malelaha kapande mepaturo. I tohaduana, Nawei kapande mopakanoto lempona Ngkorana Pue Ala.

1 Korintu 4:15

Lawi kehapi isabunami guru au moninikau i peulami i Kerisitu, iko pea au nipouma, lawi iko au nguru-nguruna mobambari Ngkora Marasa irikamu, alana mepoinalaikau i Kerisitu Yesu.

1 Korintu 6:11

Halalu, arakau au nodo babehiami hangkoia. Agaiana Napamalelahamokau Pue Ala hai Napopewalimokau taunaNa. Napamanotomokau i peitaNa anti pohintuwumi hai Pue Yesu Kerisitu hai anti kuasana Inaona Pue Ala Amputa.

2 Korintu 12:2

Moisana hadua to Sarani au hampulo hai iba parena au liu, raangka i paidaana Pue Ala i suruga. Bara kuisa ba tou-tou mpuu watana au raangka ba mangipi pea. Pue Ala pea au moisa.

2 Korintu 4:6

Lawi Pue Ala au mongkora, Nauli, “Hangko i kamakaindi, mesupami baa!”, Ia worimi au mampopesupa baa i lalunta, bona moisake peawana tuwona Pue Ala au tongawa i tuwona Kerisitu.

Galatia 1:4

Pue Yesu mokirami wataNa rapapate mohuru dosanta bona tekabahake hangko i kuasa dunia au kadake ide. Iti Nababehi moula peundeana Pue Ala Umanta.

Galatia 3:13

Ikita ope-ope hintoto napaharara Pue Ala, lawi moliungike Aturana Musa. Agaiana nauri nodo, Nakabahamoke Kerisitu hangko i pepaharara iti. Teuki i lalu Sura Malelaha hangkoia node: “Ane ara tauna au rapapate i kau mombehape, manoto tauna iti harara i Pue Ala.” Mewali, kapatena Kerisitu i kau mombehape, mopahuruke molambi pepaharara hangko i Pue Ala au katouana hangangaa morumpake.

Epesu 1:14

Inao Malelaha itimi au mopakaroho dandiNa irikita bona manoto kaina Naweinta ope-ope sosora au Nadandiake, iami Nakabahake hangko i huku dosanta hai Napopewalike taunaNa. Ido hai hintoto mpuuke motoia hai mampomahile Pue Ala.

Epesu 1:7

Hai wahena Pue Yesu au mabubu i kapateNa, tehompokimoke hangko i huku dosanta, lempona naampungimi Pue Ala hinangka dosanta, hangko i kabulana laluNa au mahile.

Epesu 2:10

Pue Ala mampopewalimoke manusia au wou anti pohintuwuta hai Kerisitu Yesu bona mobabehike apa au maroa moula tunggaiaNa irikita au Napasilolongami hangkoia.

Epesu 4:30

Nikampai babehiami datikau mopakasusa Inao Malelaha au naweikau Pue Ala. Nikatuinao, Inao Malelaha iami pampekatandaina Pue Ala i lalumi au mopakanoto kaikamuna taunaNa. Anti kaarana Inao Malelaha i lalumi, niisa kaina hawena tempona Pue Ala mokabahakau hangko i dunia au kadake ide.

Epesu 5:26

Ope-ope iti Nababehi bona Napatanike mewali taunaNa, Nabahoike hangko i dosanta hai owai hai NgkoraNa,

Pilipi 3:9

hai mohintuwuna hai Ia. Pue Ala moimbana manoto i peitaNa, bara anti peulangku i Aturana Musa, agaiana anti pepoinalaingku i Kerisitu. Mewalina manoto i peitana Pue Ala anti kabulana laluNa, lawi mepoinalaina i Kerisitu.

Kolose 1:14

AnaNa iti au mewali pahuruna watanta bona teampungi dosanta.

Kolose 3:16

Hangangaa nipailalu liliu Ngkorana Kerisitu. Mombepakaroho mpolalumokau hai mombepaturokau moula sukana kanotona lalumi. Mampolingakau nani petoia, hai nani pepomahile, hai nani ntanina au naweikau Inao Malelaha. Hangko i lalumi mpuu, monanikau manguli ngkaia kamaroana i Pue Ala.

1 Tesalonika 5:23

Mekakaengkai i Pue Ala au moweike roa ngkatuwo, kiuli, “O, Pue Ala! Kiperapi bona babehianda to Tesalonika Nupamanoto liliu, duuna malelaha ntepuu katuwonda. Nuporangaihe i lalu katuwonda, maroa lalunda ba pekirinda ba watanda bona dati ara kamasalanda i kahaweNa hule Amputa Yesu Kerisitu.” Nodomi pekakaengki.

Titu 2:14

Yesu mokirami wataNa rapapate mohuru dosanta bona Nakabahake hangko i ope-ope babehianta au kadake, hai Napopewalike taunaNa au malelaha hai au madota mobabehi au maroa.

Ibarani 9:12

I tempoNa mesua i lalu Bambaru Malelaha, Ia liliu lao i lalu Hologa Malelaha Ntepuu molindo Pue Ala. Hai wahe au Naanti mesua, bara wahe towau laki ba wahe ana japi laki, agaiana waheNa haduduaNa. PesuaNa iti, hambela pea i hae-haena, lawi hai waheNa iti, Ia mohompomi dosanta hawe i hae-haena.

Yakobu 1:5

Ane arakau au bara moisa rara mokadipura tuwomi, agina niperapi kanoto lalu hangko i Pue Ala, hai batena Naweikau. Lawi apa au Nakira, Nakiraiahe ope-ope tauna hangko i kabulana laluNa, barahe Nawei ngkahunda-hunda.

1 Peturu 1:2

Ikamu, napileikau Pue Ala Umanta lawi nodomi tunggaiaNa hangko i nguru-nguruna. Ia mopileikau, hai anti pobagona Inao Malelaha, mewalimokau kiraNa bona mengkorukau i Yesu Kerisitu hai Napamalelahakau hai waheNa. Kuharunga Pue Ala ina moweikau ngkaia pewati hai roa ngkatuwo.

2 Peturu 1:1

Sura ide hangko iriko, Simo Peturu hawina hai surona Yesu Kerisitu, kupakatuakau halalu au mepoinalai i Yesu Kerisitu. Yesu Kerisitu iami Pue Ala au mohoremake hangko i huku dosanta. Anti kamanotona Pue Ala, Napopewalimokau taunaNa au mepoinalai Iria, himbela hai ikami suroNa.

1 Yohane 5:6

Yesu Kerisitu iami Anana Pue Ala au mai i dunia. Iami au rariu hai au rapapate. Mewali, kamaiNa i dunia ide, bara pea rariu, agaiana rapapate wori. Hai Inao Malelaha mopakanoto Yesu iami Anana Pue Ala, hai apa au nauli Inao Malelaha iti, batena mpuu tou.

Pampetudungia 14:4

Hai ihira iti barahe hambela modaihi watanda, malelahahe, nodo hadua towawine au bara mani hambela motambi. Iumba kalaoana Ana Dimba, indo wori kalaoanda. Ihira itimi au Nahompo Ana Dimba hangko i olonda ope-ope tauna i dunia. Nodo tauna mohuhu wua au nguru-nguruna hangko i tuda-tudanda i Pue Ala, ihira wori mewalimohe popenomba au nguru-nguruna i Pue Ala hai i Ana Dimba.

Pampetudungia 5:9

Monani-nanimohe hambua nani au wou, rauli: “Oiomi au hintoto modoko sura iti hai mobungkahi penena lawi rapapatemoKo; Hai waheMu au mabubu i kapateMu, Nupopoholomohe tauna i humalele dunia, i ope-ope kadatua, i ope-ope pemulea hai i hinangka basa. Hai Nuhuhuhe i Pue Ala.