1 Korintu 1:27 - Sura Malelaha

²⁷ lawi Pue Ala mopilei tauna au bara mapande i peitana manusia bona tomapande ina rapakaea. Naoaka mopileihe au malede bona tauna au maroho ina rapakaea.

1 Korintu 1:27 Mawu Ofanana

Matiu 11:25

I tempo iti, mekakaemi Yesu, nauli, “O Uma, Ampu langi hai tampo! KutoiaKo, lawi ope-ope au tewuniangi hangkoia, Nupopaisaamohe tauna au i woi tuwonda, agaiana Nuwuniangiahe tauna au mapangka posikolanda hai tauna au mapande,

Matiu 21:16

Ido hai mouliangaahe Yesu, “Bara pae Nuhadi lolitanda?” Nahanai Yesu, “Kuhadito. Bara mani pae nibasa apa au teuki i lalu Sura Malelaha au manguli: ‘Nupaturomohe anangkoi hai analei bona mamponanihe peawaMu.’ ”

Matiu 9:9

Roo indo, padumi Yesu hangko inditi. I tanga rara, Ia moita hadua au mohuda i bambaru pobaiaria asele, hangana Matiu. Nauli Yesu iria “Peulamide Iriko!” Meangkami Matiu hai liliu meula Iria.

Lukasi 21:15

Lawi Iko ina mowoli i lalumi pehanami au manoto alana bara rabuku iwalimi mosapuaka apa au niuli.

Suro 17:18

I wanua Atena iti, ara worihe tauna mapande au mampeulai paturona Epikuros hai paturona Stoa. Tauna au mapande iti mombehanai hai Paulu. Arahe au manguli, “Mengkamapande mpuu tauna ide ba apa dolou nauli.” Ara worihe au manguli, “Ba ina napahaweake kana i anitu hangko i tampo ntanina.” Nodo lolitanda, lawi i pepaturona, Paulu mepaturo kana i Yesu hai kana i katuwonda hule tauna hangko i kapate.

Suro 7:35

“Musa au raae to Yahudi hangkoia, rauliangaa, ‘Hema au moangkako mewali tadulakongki ba topebotusingki?’ Musa idemi au natudu Pue Ala melempo i hadua Malaeka au mololita iria hangko i lalu lopo, bona mewali tadulakonda au mokabahahe hangko i karapohawinda.

Suro 7:54

Karahadina tadulako iti lolitana Setepanu, rumpu mpuuhe hai koi inaonda.

1 Korintu 1:20

Apa bundunda tauna au mapande? Apa bundunda guru agama Yahudi? Apa bundunda tauna au mapande mololita i dunia ide? I peitana Pue Ala, ope-ope kapande manusia Naimba mbero-mbero pea.

1 Korintu 1:21

Lawi hangko i kapande manusia, barake peisa moisa Pue Ala. Anti kamapandena Pue Ala, Nabotusimi bona hema pea au mepoinalai i Ngkora Marasa au kipahawe, tauna iti ina Nahoremahe hangko i dosanda. Agaiana ane kipahawe Ngkora Marasa, tauna au bara mepoinalai manguli, “Iti lolita tontuli.”

1 Korintu 2:12

Hai ikita, barake molambi inao hangko i dunia ide, agaiana molambike Inaona Pue Ala bona taisa hinangkana au nawei mberoke Pue Ala.

2 Korintu 10:10

Lawi arahe tauna i olomi au mokakabosaina, rauli: “Ane i surana, ara kuasana lolitana hai pemoso pepaturona, agaiana ane ara inde hihimbela hai ikita, bara manoto pololitana hai malede watana!”

2 Korintu 4:7

Ikami manusia biasa peangkai, agaiana mahile mpuu kuasana Pue Ala au mobago i lalungki. Ikami rapandiringkai nodo kori tampo au buke anu-anu au masuli holona. Hangko i ngkora pandiri ide, tongawami kuasa au ara irikami bara kuasangki haduduangki, agaiana kuasa iti kihumba hangko i Pue Ala.

Yakobu 2:5

Halalungku au kupokaahi! Nipehadingi maroa: tauna au meahi-ahi tuwonda i dunia ide napileihe Pue Ala bona mewalihe pebuku i pepoinalainda. Ina molambi sosoranda i lalu poparentaNa moula dandina Pue Ala i tauna au maahi Iria.