1 Korintu 1:10 - Sura Malelaha

¹⁰ Halalu, hangko i kuasa au naweina Amputa Yesu Kerisitu, kuperapi bona mohintuwukau ope-ope. Ineekau mopaara posisala. Hangangaa mohintuwukau hai hampepekirikau.

1 Korintu 1:10 Mawu Ofanana

Matiu 9:16

Roo indo, Yesu mopahawe mani rompaka ngkora pandiri, Nauli, “Bara ara hadua tauna au motampelei badu au hae hai hasepa bana au wou. Lawi hasepa bana au wou ina mengkuru duuna mahepa badu au hae iti, alana kahile-hileari kahepana.

Markus 2:21

Roo indo, Yesu mopahawe mani rompaka ngkora pandiri, Nauli, “Bara ara hadua tauna au motampelei badu au hae hai hasepa bana au wou. Lawi hasepa bana au wou ina mengkuru, duuna mahepa badu au hae iti, alana kahile-hileari kamahepana.

Markus 3:24

Ane pandirina ara hambua kadatua, hai tauna bosa i lalu kadatuana mosisala liliuhe hai mombeewahe, kadatua iti bara ina mantaha.

Yohane 10:19

Karahadina to Yahudi lolitana Yesu, mombehanai mbulimohe.

Yohane 17:23

Iko mohintuwu hai ihira, hai Oio mohintuwu hai Iko bona ihira ina mewali mpuuhe hampepekiri. Ane nodo, ope-ope tauna ina moisa kaOiona au motuduna hai kaNupokaahinda tauna au mepoinalai Iriko nodo kaNupokaahiNgku.

Yohane 7:43

Ido hai mombehanaimohe tauna bosa. Hanggaahe mepoinalai i Yesu, hanggaahe bara.

Yohane 9:16

Bahangkiahe toParisi manguli, “Ane nodo, tauna iti bara hangko i Pue Ala, lawi bara mampeulai palianta i Alo Pengkarooangaa.” Agaiana hanggaahe manguli, “Ane tomadosa, hangko iumbari kuasaNa mobabehi ngkaia tanda kuasa au nodo?” Ido hai mombehahanaimohe.

Suro 4:32

Ope-ope tauna au mepoinalai i Yesu, mohintuwu hai hampepekirihe. Bara ara hadua au manguli, “Ide, iko ampuna,” agaiana ope-ope au ara irihira rapoanu sambela.

Roma 1:13

Halalu bona niisa bosami belana ara tunggaiaku lao mosondakikau, agaiana ara liliu au mohombokina. Tunggaiaku mosondakikau bona pobagongku ara wori wuana i olomi, nodo pobagongku au arami wuana i olonda tauna au barahe to Yahudi au arahe i wanua ntanina.

Roma 12:1

Mewali halalu, anti kamahilena ahina Pue Ala irikita, kuhuweki lalumi bona mohuhukau watami i Pue Ala mewali popenomba au tuwo. Ane nibabehi nodo, lempona malelaha babehiami i lindona Pue Ala, lawi itimi ada mpenomba au mopamatana laluNa.

Roma 12:16

Mohintuwukau hai rangami. Ineekau mampemahile, agina nipogaloahe tauna au i woi katuwonda. Hai inee nipekiri kapandemi melumbu hangko i rangami.

Roma 15:30

Halalu! Mohintuwumoke hai Amputa Yesu Kerisitu, hai mombepokaahimoke anti pokalena Inao Malelaha i lalunta. Ido hai kuperapi bona mekakaekau i Pue Ala, nipekakaea wongkoia i lalu pobagongku.

Roma 16:17

Halalu hampepepoinalai, kupopaingaakau bona hangangaa maroa-roakau i tauna au mopaara pogaa-gaa hai au rapeinao mopakanawokau i paturonda au montani hai paturo au rapaturoamokau. Nikaraohihe tauna au nodo!

1 Korintu 1:11

Halalungku, tunggaiaku manguli nodo, lawi arahe halalunta hasou-souna Kloe au mopahawe iriko kaarana posisisalami.

1 Korintu 11:18

Nguru-nguruna, kuhadi bambari au manguli, ane moteruhukau maminggu, ara posisalami hadua hai hadua. Hai kupekiri bambari iti hangangaa tou!

1 Korintu 12:25

Nodo wori ikita au mepoinalai i Pue Yesu, ikita ope-ope rapandiri nodo kira-kirana wata au hambua pea, hai hangangaa mombekamatake hadua hai hadua bona dati ara posisalanta.

1 Korintu 3:3

lawi moula manikau peundeana lalumi au kadake. Mahinakau hai mobungka-bungka manikau, itimi au mopakanoto poulami mani peundeana lalumi au kadake, nodo tauna au bara manihe moisa Pue.

1 Korintu 4:16

Ido hai kuperapi ntepuu halalu, bona nipeulai babehiangku.

2 Korintu 10:1

Iko, Paulu, ara perapingku irikamu. Arahe tauna i olomi au manguli: “Ane Paulu karao hangko irikami, pololitana makasara i lalu surana, agaiana ane mombelindoke, ia maalusu.” Mewali, hangko i lalungku au mengkaiwoi hai au maalusu, nodo laluna Kerisitu,

2 Korintu 13:11

Kahopoana halalu, hangangaa matana-tanakau. Nipakaroho peulami i Pue! Nipeulai paturongku! Hangangaa hampepekirikau hai tuwo mohintuwukau. Pue Ala ina mamporangaikau, mampopaitaakau ahiNa, hai moweikau roa ngkatuwo.

2 Korintu 13:9

Matanangkai ane niitangkai malede, asala ikamu maroho pepoinalaimi. Mekakaengkai bona manoto lalumi i peitana Pue.

2 Korintu 5:20

Ikami ide sarungkoronangkai Kerisitu. Napokamba humengkai Pue Ala mopahawe lolitaNa irikamu. Moula peundeana Kerisitu, kiperapi mpuu irikamu bona mohintuwukau hai Pue Ala.

2 Korintu 6:1

Mewali, ikami ide, hampopobagongkai mopahawe NgkoraNa Pue Ala i tauna. Ido hai kiperapi mpuu halalu bona inee nikakahakei kamaroana laluna Pue Ala au nidokomi.

Galatia 4:12

Halalungku to Galatia! Kuperapi bona nipeulai mpuu babehiangku. Lawi naurina to Yahudi, kukabahami peulangku i adanda to Yahudi bona mewalina nodo ikamu au barakau to Yahudi. Bara manina hambela modoko au bara maroa hangko irikamu.

Pilipi 1:27

Mewali, au paraluu irikamu iami babehiami hangangaa hintoto hai poulami Ngkora Marasa au hangko i Kerisitu. Hangangaa nibabehi nodo bona ane kupohidupaa manikau ba barapi, ina kuisa kamarohona pepoinalaimi hai kamarohona pohintuwumi i lalu pobagomi mobambari Ngkora Marasa.

Pilipi 3:16

Ide paraluu ntepuu: hangangaa tuwoke moula apa au taisami hawe ide-ide.

1 Tesalonika 5:13

Nibila hai niadaihe, hai nipokaahihe anti pobagonda. Mohintuwukau hadua hai hadua.

2 Tesalonika 2:1

Kaliliuana halalu, kipeinao kiuliangaakau kana i kahawena hule Amputa Yesu Kerisitu, hai kana i kaina ragulunta bona hihimbelake hai Ia,

1 Timotiu 5:21

Kuweiko lolita ide Timotiu bona nupeulai mpuu ope-ope hawangku, hai ineeko mampopontani tauna. Pue Ala hai Kerisitu Yesu hai malaekaNa au tepilei mampetiroke.

2 Timotiu 4:1

Timotiu! Paturongku ide kupahawe hangko i lalungku mpuu. Ane hawe hulemi Pue Yesu i dunia ide, Ia ina moparenta nodo hadua Datu, hai mobotusi kara-karanda ope-ope tauna, maroa au tuwo manihe, maroa au matemohe. Ido hai i lindona Pue Ala hai Kerisitu Yesu kuweiko lolita ide:

1 Peturu 2:11

Halalu au kupokaahi! Ikita i lalu dunia ide, nodoke torare ba topolilo, lawi maidake i olonda tauna au barahe mepoinalai i Pue Ala. Ido hai kuweikau lolita: ineekau moula peundeana lalumi au kadake, lawi iti moewa tunggaiami mengkoru i Pue Ala.

1 Peturu 5:10

Hai ane liumi kapari au hampalai iti, Pue Ala ina mopahandai apa au makura irikamu. Lempona, Ia ina mopakaroho pepoinalaimi, mopamanoto tuwomi hai mopatetida lalumi. Lawi Pue Ala iami pongkana ope-ope ahi. Ia mokakiokau mewali anaNa bona anti pohintuwumi hai Kerisitu, ina molambikau kirami i lalu kamahilena tuwoNa au bara mokahopoa.