Luke 2:39 - Musselmani Burmese

³⁹ ထို့နောက် မာရိနှင့် ယောသပ်တို့သည် ဘုရားရှင်၏ ပညတ်တော်များကိုကျေပွန်စွာ ဆောင်ရွက်ပြီးနောက် သူတို့၏နေရပ်မြို့ဖြစ်သော ဂါလိလဲပြည်ရှိ နာဇရက်မြို့သို့ ပြန်ခဲ့ကြ၏။

Luke 2:39 Mawu Ofanana

Luke 1:26

အဲ့လီစ်ဘဲသ်ကိုယ်ဝန်ဆဋ္ဌမလသို့ရောက်သောအခါ အလ္လာဟ်အရှင်မြတ်သည် “ဖရိချ်သာ” ကောင်းကင်တမန် ဂျီဗ်ရီလ်အား ဂါလိလဲပြည်၊ နာဇရသ်မြို့ရှိ မိန်းမပျိုတစ်ဦးထံသို့ စေလွှတ်လိုက်တော်မူ၏။

Luke 1:6

ထိုသူနှစ်ဦးလုံးပင် အလ္လာဟ်အရှင်မြတ်၏ရှေ့တော်တွင် ဖြောင့်မတ်မှန်ကန်သူများဖြစ်ကြ၏။ အလ္လာဟ်၏ “ရှရီယသ်” ပညတ်တော်ရှိသမျှနှင့် ညွှန်ကြားတော်မူချက်များကို တစ်သွေမသိမ်းလိုက်နာကြ၏။

Luke 2:4

ယောသပ်သည်လည်း ဘုရင်ဒါဝိဒ်၏မျိုးရိုးမှ ဆင်းသက်လာသူတစ်ဦးဖြစ်သောကြောင့် ဂါလိလဲပြည် နာဇရက်မြို့မှထွက်ခွာ၍ ဘုရင်ဒါဝိဒ်၏ဇာတိမြို့ဖြစ်သော ယုဒပြည်ရှိ ဗက်လင်မြို့သို့ သန်းခေါင်စာရင်းသွင်းရန် သွားရောက်လေ၏။

Luke 2:51

ထိုနောက် ကလေးငယ်ယေရှုသည် မာရိနှင့် ယောသပ်တို့နှင့်အတူ နာဇရက်မြို့သို့ ပြန်ကြပြီး သူတို့စကားကို နာခံလျက်နေတော်မူ၏။ သို့သော် သူ၏မိခင်သည် ဤအကြောင်းအရာ အလုံးစုံတို့ကို သူမ၏စိတ်နှလုံး၌ တွေးတော၍နေလေ၏။

Luke 4:16

ထို့နောက် ကိုယ်တော်ယေရှုသည် သူကြီးပြင်းရာအရပ်ဖြစ်သော နာဇရက်မြို့သို့ ပြန်လာ၏။ တစ်ခုသော ဥပုသ်နေ့တွင် ကိုယ်တော်သည် ဓမ္မာရုံသို့ သွားနေကျအတိုင်း သွားရောက်ပြီး ထိုနေရာတွင် သူသည် ကျမ်းစာဖတ်ရန် မတ်တပ်ရပ်လေ၏။

Luke 4:23

ထိုအခါ ကိုယ်တော်က “သင်တို့သည် ငါ့အား ‘ဆေးဆရာ၊ မိမိကိုယ်ကို ကုသလော့’ ဟုဆိုသည့် ဆိုရိုးစကားအတိုင်း ‘ကပေရနောင်မြို့၌ သင်ပြုခဲ့သည်ဟု အကျွန်ုပ်တို့ကြားရသည့်အမှုအရာများကို သင်၏နေရင်းမြို့ဖြစ်သော ဤအရပ်၌လည်း ပြုပါလော့’ ဟု ဧကန်မုချ ဆိုကြလိမ့်မည်” ဟုမိန့်ဆိုပြီးနောက်