Luke 15:28 - Musselmani Burmese

²⁸ ထိုအခါ သားကြီးသည် အမျက်ထွက်၍ အိမ်ထဲသို့ မဝင်လိုသဖြင့် ဖခင်ဖြစ်သူသည် အပြင်သို့ထွက်လာပြီး သူ့ကို ဖျောင်းဖျလေ၏။

Luke 15:28 Mawu Ofanana

Luke 13:34

ထို့နောက် ကိုယ်တော်က “အို ဂျေရုဆလင်မြို့သားအပေါင်းတို့၊ ငါသည် သင်တို့အတွက် အလွန်အမင်းဝမ်းနည်းပူဆွေးရ၏။ သင်တို့သည် အရိယာသူတော်စင်များကို အဆက်မပြတ်သတ်ဖြတ်ခဲ့ကြ၏။ ဘုရားရှင်စေလွှတ်တော်မူသော စေတမန်တို့ကိုလည်း သင်တို့သည် ခဲနှင့်ပေါက်သတ်ခဲ့ကြ၏။ ကြက်မသည် မိမိ၏ကြက်ကလေးများကို အတောင်အောက်မှာအုပ်၍ ရင်အုပ်မကွာစောင့်ရှောက်သကဲ့သို့ ငါသည်လည်း သင်တို့အားလုံးကို ရင်အုပ်မကွာစောင့်ရှောက်လိုသဖြင့် ကြိမ်ဖန်များစွာကြိုးစားသော်လည်း သင်တို့သည် ငါ့ကိုလက်မခံကြ။

Luke 15:2

ထိုအခါ ဖာရိရှဲများနှင့် ကျမ်းတတ်ဆရာများက “ဤသူသည် အပြစ်ဒုစရိုက်သမားများနှင့် မိတ်ဆွေဖွဲ့နေရုံမျှမက ထိုသူတို့နှင့်အတူတူပင် စားသောက်နေပါသည်တကား” ဟုပြစ်တင်ဝေဖန်ကြ၏။

Luke 15:27

အစေခံကလည်း ‘သင်၏ညီငယ်သည် ကျန်းမာစွာဖြင့် အိမ်သို့ပြန်ရောက်လာသဖြင့် သင်၏ဖခင်ဖြစ်သူက ဆူဖြိုးသည့်နွားပျိုကို ချက်၍ ပျော်ပွဲရွှင်ပွဲကျင်းပနေခြင်းဖြစ်ပါသည်’ ဟုဖြေလေ၏။

Luke 15:29

သားကြီးကလည်း ‘အကျွန်ုပ်သည် အဖေစေခိုင်းသမျှကို လိုက်နာခဲ့ပြီး နှစ်ပေါင်းများစွာ အလုပ်အကျွေးပြုခဲ့သော်လည်း အဖေသည် အကျွန်ုပ်အတွက် မိတ်ဆွေများနှင့်အတူတူ စားသောက်ဖို့ ဆိတ်တစ်ကောင်ကိုမျှ မပေးခဲ့ဖူးပါ။

Luke 24:47

နောင်တသံဝေဂတရားနှင့် အပြစ်ဒုစရိုက်တို့ကို ခွင့်လွှတ်ခြင်းရစေဖို့ ဂျေရုဆလင်မြို့မှစ၍ လူမျိုးအပေါင်းတို့ကို ဟောပြောလိမ့်မည်ဟုဖော်ပြထား၏။

Luke 5:30

ထိုအခါ ဖာရိရှဲများနှင့် ကျမ်းတတ်ဆရာများက ကိုယ်တော်၏တပည့်တော်များအား “သင်တို့သည် အဘယ်ကြောင့် ဤအခွန်ကောက်သူများ၊ အပြစ်ဒုစရိုက်သားများဟု ငါတို့သတ်မှတ်ထားသူများနှင့်အတူတကွ စားသောက်နေကြသနည်း” ဟုစောဒကတက်ကြလေ၏။

Luke 7:39

ထိုအခါ ကိုယ်တော်ကိုပင့်ဖိတ်သောဖာရိရှဲသည် မြင်သဖြင့် “ဤသူသည် အရိယာသူတော်စင်မှန်ပါက သူ့ကိုတို့ထိနေသူ အမျိုးသမီးသည် မည်သို့သောမိန်းမမျိုး ဖြစ်သည်ကို သိသင့်သည်။ အကြောင်းမူကား ဤအမျိုးသမီးသည် အပြစ်များသောသူဖြစ်၏” ဟုမိမိစိတ်ထဲ၌ တွေးတောလေ၏။