Matéyo 5:6 - Kagi nemula (Word of God)

⁶ “Owoy sa langun etaw amuk temù pedu da egpangunut diyà sa igsugù i Nemula, neanggan da doo enù ka tabangan i Nemula kagda anì kumetiengaw da.

Matéyo 5:6 Mawu Ofanana

Lukas 1:53

Binegayan di mepion sa medoo etaw egpeketues anì mebesug da, dodoo hinemagawan di sa medoo etaw kawasà owoy endà duen igbegay di inuwit da.

Lukas 6:21

“Apiya di pa egpeketues yu ini egoh di, neanggan yu enù ka mebesug yu doo. “Apiya di pa egsinegaw yu ini egoh di, neanggan yu enù ka gumemen yu doo.

Lukas 6:25

“Apiya di pa nebesug yu ini egoh di, melikutan yu doo enù ka meketues yu kani. “Apiya di pa eggemen yu ini egoh di, melikutan yu doo enù ka mebukul yu temù owoy suminegaw yu ma.

Huwan 4:14

Dodoo sa etaw eg-inem sa wayeg ibegay ku diyà kenagdi, endà dé lumupahan di. Sa wayeg ibegay ku diyà kenagdi mebaluy tebulan diyà kenagdi. Mebagel sa kebuwalbuwal di owoy mekepelalù kenagdi taman melugay.”

Huwan 6:27

Yoko egpedeles duu sa kaenen diyà tanà daa enù ka meledak kani. Dodoo pedeles yu polo sa kaenen egpelalù etaw taman melugay. Iya sa kaenen ibegay ku diyà keniyu, aken i Kakay Langun, enù ka tinandaan i Emà Nemula aken sa pineangay di.”

Huwan 7:37

Na, iya sa tigtu mapulù agdaw diyà sa pista da sa sabuhanan agdaw di. Egoh iya, migtigdeg Hésus i owoy pinetaled di sa kagi di, guwaen di, “Amuk eglupahan yu, angay yu diyà kenak anì peinemen ku kiyu.

Kepehaa I Hésus Kelistu 7:16

Endà dé meketues da, owoy endà ma dé melupahan da, owoy endà ma dé melenek da danà sa meedup agdaw ataw ka sa liyu balangan meedup.