Matéyo 4:7 - Kagi nemula (Word of God)

⁷ Dodoo migsagbì Hésus i, guwaen di, “Meked a iya wé enù ka iya ma sa kagi i Nemula igpesulat, guwaen di, ‘Yaka egtepeng duu Datù Nemula i.’”

Matéyo 4:7 Mawu Ofanana

Matéyo 21:16

Huenan di, egbulitan sa medoo ulu-ulu Hésus i, guwaen da, “Amuk egdinegen ko sa kagi da, maen di ya endà eghawidan ko duu?” Migsagbì Hésus i, guwaen di, “Egdinegen ku doo sa kagi da, dodoo mepion doo iya wé diyà kenak. Lagà endà nekebasa yu sa kagi i Nemula igpesulat, guwaen di, ‘Tinulù i Nemula sa medoo batà anì mepion sa keolò da kenagdi.’ ”

Matéyo 21:42

Agulé guwaen i Hésus diyà kenagda, “Lagà yu endà nekebasa siini kagi i Nemula igpesulat, guwaen di, ‘Sa sebaen batu inekedan sa medoo tegebael dalesan pulung batu enù ka guwaen da dò endà duen ulan di, iya polo sa tigtu miulan batu hinemilì ku. Anan mepion iya wé binaelan i Datù, huenan di meolò kagdi i.’

Matéyo 4:10

Dodoo migsagbì Hésus i, guwaen di, “O Satanas, pediyù ka diyà kenak. Meked a iya wé enù ka iya sa kagi i Nemula igpesulat, ‘Si Datù Nemula daa sa penemulawen ké. Kagdi daa sa mepangunutan ké.’”

Matéyo 4:4

Dodoo migsagbì Hésus i, guwaen di, “Meked a iya wé enù ka iya sa kagi i Nemula igpesulat, ‘Endà mepion di amuk kaenen daa sa pedakelen etaw, sa langun kagi i Nemula polo sa eg-udesan etaw.’”

Lukas 4:12

Dodoo migsagbì Hésus i, guwaen di, “Meked a enù ka iya sa kagi i Nemula igpesulat, guwaen di, ‘Yaka egtepeng duu Datù Nemula i.’ ”

Binaelan 15:10

Huenan di, yoko eg-eked duu sa binaelan i Nemula diyà kenagda. Endà mepion di amuk egtegelen yu egpepangunut sa etaw beken Hudiyu diyà sa langun uledin igsugkow i Mosis, enù ka endà negaga sa tupù ta duu egpangunut iya wé owoy endà ma negaga ta duu.

Binaelan 5:9

Guwaen i Pidelu, “Maen di ya egpenemdemen yu telesawa tumepeng sa Suguy i Nemula amuk metiigan di sa salà yu ataw ka endà? Haa ko. Diyà pelawà selat sa etaw miglebeng sa sawa ko giina, owoy uwiten da ma kuna dutu.”

1 Kolintu 10:9

Endà ma mepion di amuk tepengan ta sa ketigkel pedu i Datù danà ta egtipay sa uledin di, iling sa binaelan sa duma etaw diyà kenagda, agulé nepigtamayan da owoy nematay da hinemued uled.

Hibelu 3:9

Guwaen i Nemula, “Apiya di pa hinaa da sa medoo panduan binaelan ku diyà kenagda taman epat pulù gepalay, takaan da doo aken egtepeng.