Matéyo 4:11 - Kagi nemula (Word of God)

¹¹ Agulé, sinalidan i Satanas Hésus i owoy duen egsugùsuguen i Nemula migtebow anì buligan da Hésus i.

Matéyo 4:11 Mawu Ofanana

Matéyo 26:53

Endà metiigan ko duu kéen ini i. Amuk umumow a tabang diyà si Emà ku, peangayen di doo sa ngibu-ngibuwan egsugùsuguen di anì tabangan da aken.

Matéyo 4:6

Guwaen i Satanas, “Amuk kuna sa Tigtu Anak i Nemula, laway ka anì mehaa sa tunung i Nemula, enù ka iya sa kagi i Nemula igpesulat, guwaen di, ‘Igsalig i Nemula kuna diyà sa medoo egsugùsuguen di anì buligan da kuna.’ Iya ma sa igpesulat di, ‘Selangawen da kuna anì endà mekesiud ka diyà batu.’”

Malkos 1:13

Eg-ugpà dahiya taman epat pulù agdaw owoy takaan i Satanas egtepengan kagdi i anì mekesalà. Duen ma sa medoo uled tanà neduma di dahiya, dodoo duen medoo egsugùsuguen i Nemula mig-angay egtabang si Hésus.

Lukas 22:43

[Agulé, duen sa egsugùsuguen i Nemula kedu langit dò migpehaa diyà kenagdi anì pebagelen di.

Lukas 22:53

Egoh ku eg-amut diyà keniyu uman agdaw diyà sa Dalesan i Nemula, endà egsabaan yu duu aken. Dodoo mesigkem yu aken siini sigep danà sa egkegaga i Satanas sa kaunutan sa medoo etaw eg-ugpà diyà deleman.”

Lukas 4:13

Na, egoh di neubus sa langun penemdem i Satanas igtepeng diyà si Hésus, migsalid dé taman endà meuma sa egoh di tumepeng kenagdi uman.

Huwan 14:30

Endà iseg di melugay sa keikagi ku keniyu, enù ka buyu dé tumebow Satanas i, sa kaunutan etaw endà egpigtuu. Dodoo endà mekegaga di kenak.

1 Timotiyu 3:16

Na, tigtu tuu, dakel temù sa tegudon egpigtuuwen ta igpetiig i Nemula diyà kenita. Neetaw Hésus Kelistu i owoy mig-angay diyà tanà. Igpetiig sa Metiengaw Suguy i Nemula metiengaw kagdi i, owoy migpehaa ma diyà sa medoo egsugùsuguen i Nemula. Kagdi sa tinulon diyà sa medoo balangan etaw diyà siini sinukub langit, owoy sa pinigtuu sa medoo etaw diyà tanà, owoy sa nebatun dutu langit dò.

Hibelu 1:14

Na, netiigan ta dé ini i. Sa medoo egsugùsuguen i Nemula, kagda daa sa egsuguen di. Apiya di pa endà mehaa ta duu, egsuguen i Nemula doo kagda anì tabangan da kita i medoo etaw mebegayan lalù endà meelut di.

Hibelu 1:6

Egoh i Nemula buyu egpeangay sa lebì Anak di diyà siini tanà, guwaen di, “Kagdi doo sa oloen sa langun egsugùsuguen i Nemula.”