Matéyo 17:4 - Kagi nemula (Word of God)

⁴ Agulé, eg-ikagi Pidelu i diyà si Hésus, guwaen di, “O Datù, mepion doo enù ka dahini ké. Amuk meiyap ka, mael a telu lawì dini, sebaen niko, sebaen si Mosis, sebaen si Iliyas.”

Matéyo 17:4 Mawu Ofanana

Matéyo 17:3

Hê, hinaa da ma dahiya Mosis i owoy si Iliyas egseolomoy da si Hésus.

Lukas 9:33

Agulé, egoh sa duwa maama buyu da dé sumalid, eg-ikagi Pidelu i, guwaen di, “O Mistelu, mepion ma doo enù ka dahini ké. Mael ké lawì, telu, sebaen niko, sebaen si Mosis, sebaen si Iliyas.” Dodoo eg-amu Pidelu i eg-ikagi, enù ka endà netiigan di duu sa penemdem di.

Huwan 17:24

“O Emà, ungayà ku mugpà diyà sa kenà ku kani siini medoo etaw igsalig ko diyà kenak, anì hauwen da sa dakel tunung ku igbegay ko diyà kenak, enù ka eghiduwan ko aken egoh anay egoh sa tanà endà pa duen.

Huwan 7:2

Na, buyu dé neuma sa pasad sa pista etaw Hudiyu kepengadan da Pista Lawì.

Pilipos 1:23

Egkeduwa sa pedu ku ini egoh. Ungayà ku hedem meelut sa keugpà ku diyà tanà anì mugpà a diyà si Kelistu, enù ka uman pa mepion iya wé.

1 Huwan 3:2

O medoo duma ku eghiduwan ku, kita dé sa inanak i Nemula ini egoh di. Apiya di pa endà pelà netiigan ta duu sa palas ta kani, netiigan ta doo mekeiling ki si Kelistu amuk pelikù, enù ka tigtu hauwen ta.

Kepehaa I Hésus Kelistu 21:23

Endà dé duen ulan sa agdaw owoy sa bulan dahiya, enù ka egkelegdawan sa menuwa danà sa senang i Nemula owoy iya sa legdaw di sa Anak Kebilibili.