Matéyo 11:10 - Kagi nemula (Word of God)

¹⁰ Enù ka igpesulat i Nemula sa denu si Huwan egoh anay, guwaen di, ‘Duen sa egsugùsuguen ku pehunawen ku diyà keniko anì upionen di sa ukitan ko tumebow.’

Matéyo 11:10 Mawu Ofanana

Matéyo 11:11

“Na, tuu ini i eg-ikagiyen ku diyà keniyu. Sa langun etaw inanak diyà tanà, endà duen miglowon diyà si Huwan Tegebautis. Dodoo sumalà dé sa tukééy etaw umunut sa kedatù i Nemula, iya polo sa lumowon diyà si Huwan.

Matéyo 11:3

Agulé guwaen da diyà si Hésus, “Tuloni ko kami amuk kuna sa Tigtu Datù pineangay i Nemula migtebow, ataw ka sebaen ma etaw polo sa angat-angatan ké.”

Matéyo 3:3

Na, si Huwan sa igsulat i Isayas sa tegesugkow i Nemula egoh anay, guwaen di, “Dumuen sa maama mikagi metaled dutu siedò melabel tanà mediyù dalesan. Iya sa guwaen di, ‘Abung-abungi yu sa ukitan i Datù tumebow. Petudà yu sa medoo dalan di.’”

Malkos 1:2

Egoh anay duen sa kagi i Nemula igsulat i Isayas sa tegesugkow di, guwaen di, “Dumuen sa etaw ku pehunawen ku diyà keniko anì ipetiig di sa egoh ko buyu dé tumebow.

Lukas 1:76

O anak ku, melugaylugay pa kuna sa tegesugkow i Nemula, sa Nemula tigtu eglowon diyà langun. Mekehuna ka si Datù anì abung-abungan ko sa ukitan di tumebow.

Huwan 1:23

Migsagbì Huwan i, “Aken sa igsulat i Isayas sa tegesugkow i Nemula egoh anay, guwaen di, ‘Dumuen sa maama mikagi metaled dutu siedò melabel tanà mediyù dalesan. Iya sa guwaen di, Petudà yu sa dalan ukitan i Datù tumebow.’”