Matéyo 10:8 - Kagi nemula (Word of God)

⁸ Bulungi yu sa medoo etaw eglinadu, owoy enaw yu ma sa etaw nematay. Owoy bulungi yu ma sa etaw eglinadu dempid, owoy pelaun yu ma sa busaw miglahuk diyà sa etaw. Yoko egpebayad duu sa etaw egtabangan yu, enù ka endà ma egbayadan yu duu sa egkegaga igpeuloy i Nemula diyà keniyu.

Matéyo 10:8 Mawu Ofanana

Matéyo 10:1

Na, sinetipon i Hésus sa sepulù owoy duwa salu di, owoy binegayan di kagda tunung anì mekegaga da pelesut busaw diyà sa etaw owoy mekebulung da ma sa etaw eglinadu, sumalà dé sa linadu da.

Matéyo 10:7

Sumalà dé sa angayan yu, tegudon yu anì meketiig sa medoo etaw sa egoh di buyu dé tumebow sa kedatù i Nemula.

Matéyo 10:9

Amuk mipanaw yu, ulan sa medoo eg-uwiten yu enù ka iya sa gumastu keniyu sa etaw tinabangan yu lagà sa kegastu da sa egsugùsuguen da. Ulan sa keuwit yu bulawan ataw ka pilak apiya salaad. Ulan ma sa keuwit yu duma kawal yu ataw ka duma talumpà yu ataw ka tuked ataw ka puyut.”

Malkos 16:18

Apiya di pa egsabaan da sa uled ataw ka eg-inem da sa mekehilu, endà doo mesakitan da. Owoy amuk itenà da sa belad da diyà sa etaw eglinadu, melikuan doo.”

Lukas 10:9

Bulung yu sa medoo eglinadu anì melikuan da, owoy guwaen yu, ‘Nekeuma dé diyà keniyu sa kedatù i Nemula.’

Binaelan 3:6

Dodoo guwaen i Pidelu, “Endà duen pilak ku, dodoo begayan ku kuna sa mekebegay ku. Huenan di, danà sa tunung i Hésus Kelistu tegeNasalét, bigkat ka dé.”

Binaelan 4:30

Pehauwi ko sa tunung ko anì melikuan sa medoo etaw eglinadu owoy dumuen ma medoo panduan ko owoy medoo egkegaipan etaw danà sa tunung i Hésus, sa sinugù ko.”