Malkos 8:5 - Kagi nemula (Word of God)

⁵ Mig-igsà Hésus i, guwaen di, “Pila sa kedoo epan diyà keniyu?” Migsagbì da, guwaen da, “Pitu daa getibulu.”

Malkos 8:5 Mawu Ofanana

Matéyo 15:34

Agulé mig-igsà Hésus i, guwaen di, “Pila sa kedoo epan diyà keniyu?” Guwaen da migsagbì, “Duen diyà kenami sa pitu getibulu daa epan owoy duen ma sa tukééy sedà anan diisek.”

Malkos 6:38

Guwaen i Hésus, “Angay yu haa pila sa kedoo legà yu.” Egoh da neketiig, guwaen da migsagbì, “Duen legà ké lima getibulu daa epan owoy duwa ma daa tukééy sedà nelegà.”

Malkos 8:4

Guwaen sa medoo salu di, “Ngadan sa kenà ta kumuwa kaenen diyà siini melabel tanà mediyù dalesan anì pekaenen ta siini medoo etaw?”

Malkos 8:6

Agulé, pinepenuu i Hésus sa medoo etaw diyà tanà. Kinuwa di sa pitu getibulu epan, owoy egsimbà egpesalamat diyà si Nemula danà siedò kaenen igbegay i Nemula. Kinebéngkebéng di owoy igbegay di diyà sa medoo salu di, owoy tinukid da egbegay sa langun etaw.

Lukas 9:13

Dodoo guwaen i Hésus, “Kiyu polo sa megay kaenen da.” Agulé guwaen da, “Duen diyà kenami lima getibulu daa epan owoy duwa daa sedà nelegà. Iya daa sa kaenen ta lapeg siini medoo etaw, amuk endà peangayen ko kami pebeli.”