Malkos 4:39 - Kagi nemula (Word of God)

³⁹ Agulé, mig-enaw Hésus i owoy hinawidan di sa kelamag owoy sa dakel lambeg, guwaen di, “Sabuh yu dé.” Hê, petow dé migsabuh owoy miglinek ma dé.

Malkos 4:39 Mawu Ofanana

Matéyo 8:26

Dodoo guwaen i Hésus, “Maen di ya egkelimedangan yu? Tukééy daa sa kepigtuu yu diyà kenak.” Agulé migtigdeg Hésus i owoy hinawidan di sa kelamag owoy sa dakel lambeg. Hê migsabuh dé owoy miglinek ma dé.

Malkos 4:38

Dodoo egdanan Hésus i egtudug diyà sa ulinan kumpit. Agulé inangay da eg-enaw, guwaen da, “O Mistelu, egpekesugsug ki. Maen di ya endà egsagipaen ko duu?”

Malkos 9:25

Na, egoh i Hésus mighaa sa medoo etaw egkesetipon diyà kenagdi, hinemagawan di sa busaw. Guwaen di, “Kuna i busaw egpebisu etaw owoy egpebuneg, laun ka dé diyà sa batà, owoy yaka dé egpelikù ya diyà kagdi.”

Lukas 4:35

Dodoo hinawidan i Hésus, guwaen di, “Yaka dé egséléken na. Laun ka dé.” Hê, igdugsù sa busaw sa maama diyà teliwadà da owoy miglesut dé. Dodoo endà duen sa kenà di nedaetan sa lawa di.

Lukas 4:39

Agulé, migtigdeg Hésus i medapag diyà sa bayi owoy hinawidan di sa kekegenaw di anì mekedan. Hê, petow dé nekedan. Agulé migtigdeg sa bayi owoy patuluy ma dé egmengana si Hésus owoy sa medoo duma di.

Lukas 8:24

Agulé, inangay da eg-enaw Hésus i, guwaen da, “O Datù, egpekesugsug ki.” Agulé, mig-enaw Hésus i owoy hinawidan di sa kelamag owoy sa dakel lambeg. Hê, migsabuh dé owoy miglinek ma dé.