Malkos 11:20 - Kagi nemula (Word of God)

²⁰ Na, umenaw sumimag, egoh da eg-ipanaw egpelikù Hélusalém dò, hinaa da iya wé kayu pigus endà duen bunga di. Tigtu nelaeb dé lapeg sa dalid di nematay.

Malkos 11:20 Mawu Ofanana

Matéyo 13:6

Hê egoh di meedup sa agdaw, eglegupay owoy nematay dé enù ka endà medalem sa kedalid di.

Matéyo 15:13

Migsagbì Hésus i, guwaen di, “Mebadut doo sa medoo endà hinemula i Emà ku duu diyà langit.

Matéyo 21:18

Na, egoh di sumimag egoh da egpelikù Hélusalém dò, egpeketues Hésus i.

Malkos 11:12

Na, egoh di sumimag, egpelikù da dema mangay Hélusalém dò kedu Bétaniya. Egoh da eg-ipanaw, egpeketues Hésus i.

Malkos 11:14

Agulé, guwaen di diyà sa kayu, “Edung ini egoh di, endà dé kaenen di etaw sa bunga ko.” Na, dinineg ma sa medoo salu di iya wé inikagi di.

Huwan 15:6

Amuk endà eg-ugpà sa etaw diyà kenak, kagdi lagà sa panga palas sepangen owoy ibuung. Amuk megangu dé, tiponen owoy ibuung diyà sa apuy anì meulow.

Hibelu 6:8

Dodoo amuk egtunasan sepinit owoy sa medoo liyu keluwen polo sa tanà, endà dé duen ulan di ya, huenan di metemteman. Hediya ma sa etaw lagà siini tanà, mepigtamayan i Nemula ma doo.

Hudas 1:12

Na, amuk mesetipon yu kumaen danà yu egsehiduway, endà mepion di amuk sa medoo tegetulù butbut eg-unut keniyu egkaen, enù ka lagà da sa tétê nekeamut diyà sa mepion. Endà memalaan da egbael sa uyot da medaet, enù ka endà egpenemdemen da duu sa ungayà sa duma da, dodoo egpenemdemen da sa hagda daa ungayà. Nekeiling da sa gaeb endà duen udan eg-uwiten kelamag. Nekeiling da ma sa kayu endà egbunga, apiya di pa neuma sa bulan kebunga da, enù ka lagà da sa kayu tigtu nematay danà sa dalid nelatas.