Malkos 11:17 - Kagi nemula (Word of God)

¹⁷ Agulé, egtuluen di sa medoo etaw dahiya, guwaen di, “Iya sa kagi i Nemula igpesulat, guwaen di, ‘Sa Dalesan ku, iya sa dalesan atung egsimbaan sa langun etaw diyà siini sinukub langit.’ Dodoo danà sa egbaelan yu dahini, nebaluy dalesan sa medoo tegelapis polo siini Dalesan i Nemula.”

Malkos 11:17 Mawu Ofanana

Malkos 11:16

Hinawidan di ma sa medoo etaw eghated sa langun taman da eg-ukit diyà sa duwangen Dalesan i Nemula.

Lukas 19:46

Guwaen di diyà kenagda, “Iya sa kagi i Nemula igpesulat, guwaen di, ‘Sa dalesan ku iya sa dalesan atung egsimbaan etaw.’ Dodoo danà sa egbaelan yu, nebaluy dalesan sa medoo tegelapis siini Dalesan i Nemula.”

Huwan 2:14

Egoh di migtebow, duen medoo etaw hinaa di diyà sa duwangen Dalesan i Nemula, sa medoo etaw tegedagang sapì owoy kebilibili owoy menatad enù ka iya sa imatayan da amuk sumimbà da. Hinaa di ma sa medoo etaw tegesambì pilak diyà sa lamisan da.

Huwan 2:16

Guwaen di diyà sa medoo tegedagang menatad, “Kedani yu iya wé dini. Ini sa Dalesan i Emà, dodoo nebaluy dalesan padian polo danà yu takà egdagang dahini.”