Lukas 24:52 - Kagi nemula (Word of God)

⁵² Agulé, miglikù da Hélusalém dò owoy tigtu neanggan sa pedu da.

Lukas 24:52 Mawu Ofanana

Matéyo 28:17

Agulé, egoh da mighaa kenagdi, eg-oloen da. Dodoo duen duma etaw egkeduwa sa pedu da denu si Hésus.

Matéyo 28:9

Agulé, petow da dé nesesiegung si Hésus diyà dalan, owoy guwaen di, “Kumelanih sa keugpà yu.” Agulé, migpedapag da diyà kenagdi, owoy migligkued da owoy egsabaan da sa lisen di enù ka eg-oloen da.

Lukas 24:51

Hê ligò di egsimbà, sinalidan di kagda owoy nebatun dutu langit dò.

Lukas 24:53

Takà da eg-angay diyà sa Dalesan i Nemula owoy egsimbà da ma eg-olò si Nemula.

Huwan 14:28

Dinineg yu dé sa inikagi ku diyà keniyu egoh giina guwaen ku, ‘Buyu a dé mipanaw dodoo pelikù a dema diyà keniyu.’ Amuk tigtu eghiduwan yu aken, meanggan yu doo danà ku mangay diyà si Emà, enù ka kagdi sa eglowon diyà kenak.

Huwan 16:22

Hediya ma kiyu i, apiya di pa egkebukul yu ini egoh di, tigtu yu doo meanggan amuk hauwen yu dema aken. Endà duen etaw mekekedan sa kekeanggan yu.

Huwan 16:7

Dodoo tuu ini i eg-ikagiyen ku diyà keniyu. Uman pa mepion amuk salidan ku kiyu, enù ka upama amuk endà mipanaw a, endà tumebow sa Tegetabang diyà keniyu. Dodoo amuk mipanaw a, peangayen ku kagdi diyà keniyu.

Huwan 20:28

Hê, guwaen i Tomas, “Kuna sa Datù ku owoy sa Nemula ku ma.”

Binaelan 1:12

Agulé, miglikù sa medoo salu i Hésus dutu Hélusalém dò kedu diyà Getan Olibu. Sakakilumitelu kéen sa kediyù di kedu diyà Hélusalém.

1 Pidelu 1:8

Apiya di pa endà eghauwen yu duu Hésus i, eghiduwan yu doo kagdi, owoy apiya di pa endà eghauwen yu duu ini egoh di, egpigtuuwen yu doo. Huenan di, egkeanggan yu temù. Endà metulon yu duu sa kekeanggan yu enù ka dakel temù.