Lukas 22:36 - Kagi nemula (Word of God)

³⁶ Agulé guwaen di, “Dodoo edung ini egoh di amuk duen taguan pilak ataw ka puyut yu, uwit yu dé. Amuk endà duen sundang yu, mepion amuk dagangen yu sa kawal yu anì mekebeli yu sundang.

Lukas 22:36 Mawu Ofanana

Lukas 22:35

Agulé, guwaen i Hésus diyà sa medoo salu di, “Egoh ku migpetegudon keniyu, hinawidan ku kiyu eg-uwit sa langun taman yu, iling ka taguan pilak ataw ka puyut ataw ka duma talumpà yu. Enù di ya sa hagtay yu egoh iya, nelikutan yu pa?” Egsagbì da, guwaen da, “Enget doo sa hagtay ké.”

Lukas 22:37

Iya maen di ya enù ka meketuu pelawà ini i kagi i Nemula igpesulat denu kenak, guwaen di, ‘Diyà sa kehaa sa medoo etaw, kagdi sa duma sa medoo etaw tegebael medaet.’ Na, ini egoh di ekedan da aken enù ka meketuu sa langun meukitan ku igpesulat di egoh anay.”

Lukas 22:38

Agulé, guwaen sa medoo salu di, “O Datù, haa ko. Kaini dé sa duwa sundang.” Dodoo danà da endà egpeketiig, eg-ikagi Hésus i, guwaen di, “Naal dé.”

Huwan 15:20

Petulengtuleng yu sa kagi ku diyà keniyu, guwaen ku, ‘Endà mekelowon sa udipen diyà sa datù di.’ Na, amuk egpelihayen da aken i datù yu, pelihayen da ma kiyu. Amuk egpigtuuwen da sa igtulù ku, pigtuuwen da ma sa ketulù yu.

Huwan 16:33

Ini sa pesuwan ku migtulon ini i diyà keniyu anì metanà sa pedu yu danà ta nesesebaen. Mepelihay yu doo diyà tanà danà sa medoo etaw endà egpigtuu, dodoo pebagel yu polo sa pedu yu enù ka inatuwan ku dé sa kaunutan etaw tegebael medaet.”

1 Tésalonika 3:4

Egoh ké pelà diyà keniyu, takà ké egtulon diyà keniyu sa ketebow sa medoo lihay ta. Hê, tuu ma doo, netiigan yu duen medoo lihay ta ini egoh di.

1 Pidelu 4:1

Na, netiigan ta nepelihay Hésus Kelistu i egoh di pelà diyà tanà. Huenan di, amuk mehaa yu sa kelikutan yu, pebagel yu dé sa pedu yu anì meilingan yu sa hagdi ketigkel. Amuk mepelihay sa etaw, mekedan sa ungayà di mael salà.