Lukas 12:37 - Kagi nemula (Word of God)

^37-38 Amuk tumebow sa datù, ataw ka teliwadà sigep ataw ka buyu sumimag, hauwen di sa medoo egsugùsuguen di egtulik. Tuu ini i eg-ikagiyen ku diyà keniyu. Kagda doo sa etaw di meanggan, enù ka pepenuuwen di kagda owoy kagdi polo sa egmengana kenagda lagà kagdi polo sa egsugùsuguen da.

Lukas 12:37 Mawu Ofanana

Matéyo 24:42

Huenan di, tulik yu enù ka endà netiigan yu duu sa atas i Datù yu pelikù.

Lukas 12:36

Huenan di, lagà yu sa egsugùsuguen eg-angat-angat sa datù da egtebow kedu diyà pista. Tulik yu anì mesiyapat yu eg-ukà amuk dinegen yu sa kagi di tumebow.

Lukas 12:43

Amuk tumebow sa datù, mebagian siedò kaunutan amuk mepion sa kepangunut di sa igsugù sa datù di.

Lukas 17:8

Iya polo sa guwaen ko diyà kenagdi, ‘Baeli ko pelawà sa kaenen ku. Sambii ko sa ginis ko melanih owoy mengana ko aken taman meubus a egkaen owoy eg-inem. Iya ka pelawà kaen owoy inem.’

Lukas 21:36

Huenan di, tulik yu owoy simbà yu takà anì mekegaga yu tumigkel sa medoo kelikutan tumebow diyà tanà anì endà ma memalaan yu tumigdeg diyà sa taengan sa Kakay Langun.”

Lukas 22:27

Enù di ya, ngadan sa tayu dakel etaw, sa etaw egpenuu egkaen ataw ka sa etaw tegehated kaenen? Iya sa dakel etaw sa egpenuu egkaen. Dodoo taa yu, apiya aken sa Datù yu, lagà aken polo sa tegehated kaenen.

Huwan 12:26

Amuk iya sa ungayà yu pepasek yu diyà kenak, unut-unut yu kenak anì mekeangay yu ma diyà sa angayan ku. Sumalà dé sa etaw egpangunut diyà sa igsugù ku, iya sa etaw pedakelen sa Emà ku.”

1 Kolintu 2:9

Dodoo duen sa kagi i Nemula igpesulat, guwaen di, “Sa medoo mepion endà pa hinaa di mata etaw owoy sa endà pa dinineg di telinga etaw owoy sa endà pa netiigan di pedu etaw, iya polo sa tinapay i Nemula ibegay di diyà sa medoo etaw mehidu kenagdi.”

Pilipos 1:21

Enù ka aken, ungayà ku mehagtay a pa diyà tanà anì takà a eg-olò si Kelistu. Dodoo amuk mematay a, uman pa mepion iya wé enù ka mugpà a diyà kenagdi.

Pilipos 1:23

Egkeduwa sa pedu ku ini egoh. Ungayà ku hedem meelut sa keugpà ku diyà tanà anì mugpà a diyà si Kelistu, enù ka uman pa mepion iya wé.

2 Pidelu 1:11

Huenan di, tigtu meanggan ki temù enù ka mekeunut ki diyà sa kedatù i Hésus Kelistu sa Datù ta Tegealuk kenita. Endà meelut sa kedatù di.

2 Pidelu 3:14

Na, o medoo duma ku eghiduwan ku, ligò yu pelà eg-angat-angat siedò agdaw di, baeli yu sa taman megaga yu mael anì metiengaw yu diyà sa kehaa i Nemula anì endà duen sa kenà di mekesigbolow keniyu anì kumelanih ma sa pedu yu diyà kenagdi.

Kepehaa I Hésus Kelistu 14:13

Agulé, dinineg ku sa eg-ikagi diyà kenak kedu diyà langit, guwaen di, “Sulati ko ini i. Amuk mematay sa etaw egpigtuu diyà si Datù, meanggan da doo.” Hê, egsagbì sa Metiengaw Suguy i Nemula, guwaen di, “Tuu ma doo. Tigtu meanggan da temù, enù ka mekeetud da gumalebek, enù ka dumuen sa untung da danà sa mepion binaelan da.”

Kepehaa I Hésus Kelistu 16:15

Huenan di, egsetiponen da sa medoo sulutan owoy sa sundalu da dutu siedò getan pinengadanan Almagidon diyà sa kagi Hibelu. Na, eg-ikagi Datù i, guwaen di, “Taa yu, hih. Lagà sa ketebow tegepenakaw sa kepelikù ku diyà tanà, enù ka endà duen etaw neketiig sa ulas ku. Amuk pelikù a, meanggan sa etaw endà tumudug di owoy tapay dé migginis danà di eg-angat-angat kenak. Meanggan enù ka lagà endà petagbu-tagbu di enù ka endà duen sa kenà di memalaan.”

Kepehaa I Hésus Kelistu 3:21

Sumalà dé sa etaw endà eglengaen di duu sa keunut-unut di diyà kenak, iya sa etaw pepenuuwen ku diyà sa dapag ku diyà sa kedatù ku, lagà sa kepenuu ku diyà sa dapag sa Emà ku si Nemula egoh ku mig-atu dé diyà si Satanas.

Kepehaa I Hésus Kelistu 7:17

Enù ka sa Anak Kebilibili diyà sa taengan sa metolol bangkù i Datù, kagdi sa eg-ipat kenagda, owoy eg-uwiten di ma kagda diyà siedò tebulan wayeg mekepelalù etaw taman melugay. Owoy eghunasen i Nemula ma sa langun luhà da enù ka egkedanan di sa langun kekebukulan da.”