Loma 7:22 - Kagi nemula (Word of God)

²² Dodoo iya sa ungayà sa ugpu pedu ku mangunut a diyà sa uledin i Nemula.

Loma 7:22 Mawu Ofanana

Huwan 4:34

Agulé guwaen i Hésus diyà kenagda, “Iya sa lagà kaenen ku sa kepangunut ku diyà sa uyot sa migpeangay kenak dahini taman meubus sa galebek ibegay di diyà kenak.

Loma 2:29

Dodoo ini polo sa etaw i Nemula sa etaw tigtu egpangunut diyà kenagdi. Owoy ini sa tandà di sa pedu da pinelumanan i Nemula danà sa Metiengaw Suguy di, beken sa tandà binaelan da diyà sa lawa da daa. Amuk egpangunut sa etaw diyà si Nemula, mebaluy endà meolò di etaw, dodoo si Nemula polo sa umolò kenagdi.

Loma 8:7

Amuk iya daa sa egpenemdemen sa etaw sa medaet uyot sa tapay pedu di, egkuntelaen di Nemula i enù ka endà egpangunutan di duu sa uledin i Nemula enù ka endà egkegaga di duu egpangunut.

2 Kolintu 4:16

Huenan di, endà egkesemek ké egtegudon. Apiya di pa egkelenek sa lawa ké, uman agdaw pebagelen i Nemula doo sa pedu ké.

Épéso 3:16

Egsimbà a diyà si Nemula anì pebagelen di sa pedu yu anì kumeeles sa kepigtuu yu diyà kenagdi danà sa ketabang sa Suguy di.

Kolosas 3:9

Yoko ma egbutbut ta diyà sa duma yu, enù ka inekedan yu dé sa tapay pedu yu sa tegebael medaet egoh anay.

Hibelu 8:10

“Na ini sa magtu ukit baelan ku kani diyà sa medoo tugod i Islaél anì mekeangay da dumapag diyà kenak,” guwaen i Nemula. “Ipepenemdem ku diyà kenagda sa uledin ku, owoy itagù ku diyà sa pedu da anì meiyap da mangunut. Amuk hediya, mebaluy aken doo sa Nemula egpigtuuwen da owoy kagda ma sa etaw ku.

1 Pidelu 3:4

Dodoo mepion amuk iya polo sa ketolol yu sa adat yu mepion danà sa pedu yu metiengaw, enù ka iya sa tigtu mapulù diyà sa kehaa i Nemula sa pedu yu melénég owoy sa kagi yu mepion. Amuk hediya sa ketolol yu, endà mekedan di taman melugay.