Loma 3:12 - Kagi nemula (Word of God)

¹² Ininiyugan sa langun etaw Nemula i, owoy anan da egbael medaet. Apiya sebaen, endà duen etaw metiengaw sa adat di.”

Loma 3:12 Mawu Ofanana

Matéyo 25:30

Na, siini egsugùsuguen ku endà mipedu, hemagawi yu kagdi anì mekeangay dutu siedò deleman kenà di mepigtamayan. Suminegaw dutu owoy kuméget sa ngipen di danà di tigtu mepasangan.’”

Loma 3:11

Endà duen etaw egpeketiig si Nemula. Owoy endà ma duen etaw dakel sa pedu di egpangunut diyà si Nemula.

Loma 3:13

“Tigtu medaet sa kagi da, lagà sa mahù eglesut diyà sa lebeng neukaan. Butbuten da, owoy lagà kehemued uled sa ketipu da etaw enù ka pesakitan da sa pedu duma da.”

Épéso 2:3

Hediya ma sa adat ta langun egoh anay, enù ka takà ki mig-unut diyà sa medaet uyot sa tapay pedu ta. Sumalà dé sa kepionon nanam lawa ta owoy sa uyot pedu ta, iya sa takà egbaelan ta. Huenan di, iya ma sa metamanan ta sa kepigtamay i Nemula lagà sa langun etaw tegebael salà.

Pilimon 1:11

Egoh anay endà duen lagà di diyà sa kehaa ko, dodoo ini egoh di tigtu mapulù dé diyà sa kehaa ko owoy diyà sa naken ma kehaa.

1 Pidelu 2:25

Egoh anay egoh yu endà pa egpigtuu, lagà yu sa kebilibili netelas. Dodoo ini egoh di nekepelikù yu dé diyà si Kelistu sa tegeipat kenita owoy sa tegetulik kenita.