Huwan 18:5 - Kagi nemula (Word of God)

⁵ Guwaen da egsagbì, “Si Hésus tegeNasalét.” Guwaen i Hésus, “Aken sa eglagbeten yu.” Na, dahiya ma Hudas i sa migtampil diyà sa kuntelà i Hésus, owoy kagdi sa inunutan sa medoo sundalu.

Huwan 18:5 Mawu Ofanana

Matéyo 2:23

Agulé eg-ugpà da diyà sa menuwa Nasalét diyà uwang Galiliya. Huenan di, neketuu sa kagi sa tegesugkow i Nemula egoh anay denu si Hésus, guwaen di, “Kagdi sa etaw tegeNasalét.”

Matéyo 21:11

Egsagbì sa medoo etaw mig-unut diyà si Hésus, guwaen da, “Kagdi si Hésus sa tegesugkow i Nemula kedu diyà menuwa Nasalét diyà sa uwang Galiliya.”

Huwan 1:46

Dodoo guwaen i Natanayél, “Endà duen sa mepion kedu diyà Nasalét.” Guwaen i Pilipi, “Na, mangay ki dutu anì hauwen ko.”

Huwan 18:4

Na, tapay dé netiigan i Hésus sa langun baelan da diyà kenagdi, huenan di inangay di kagda egtelabuk. Eg-igsà, guwaen di, “Ngadan di etaw sa eglagbeten yu?”

Huwan 18:6

Egoh i Hésus mig-ikagi, guwaen di, “Aken sa eglagbeten yu,” petow da nekeesud-esud owoy nekeetok da.

Huwan 19:19

Na, duen sa igsulat i Pilatu igtagù da diyà sa lekeatas ulu i Hésus. Iya sa kagi di, “Ini si Hésus tegeNasalét sa Sulutan diyà etaw Hudiyu.”