Binaelan 7:36 - Kagi nemula (Word of God)

³⁶ Huenan di, si Mosis sa mig-uwit sa medoo tupù ta egoh da miglegkà diyà tanà Igiptu, owoy binaelan di sa medoo panduan owoy sa medoo tandà egkegaipan etaw diyà Igiptu owoy diyà sa Melalegà Dagat, owoy diyà sa melabel tanà mediyù dalesan taman epat pulù gepalay.

Binaelan 7:36 Mawu Ofanana

Huwan 4:48

Dodoo guwaen i Hésus diyà sa ulu-ulu, “Amuk endà duen sa mehaa yu egkegaipan etaw ataw ka panduan egbaelan ku, endà migtuu yu diyà kenak.”

Binaelan 13:18

owoy egbuligan di kagda taman epat pulù gepalay egoh da diyà sa melabel tanà mediyù dalesan, apiya di pa endà egpigtuuwen da duu kagdi i.

Binaelan 7:42

Huenan di, ininiyugan i Nemula kagda, owoy pinandayà di sa kesimbà da diyà sa agdaw owoy sa bulan owoy sa bituen. Hediya ma sa kagi i Nemula igsulat sa tegesugkow di egoh anay, guwaen di, ‘O medoo tugod i Islaél, egoh yu mig-ipanaw diyà sa melabel tanà mediyù dalesan taman epat pulù gepalay, beken aken sa egsimbaan yu egoh yu mig-imatay hinagtay.

Hibelu 3:8

yoko egpetegas duu sa ulu yu. Yoko eg-iling nga sa medoo tupù yu dutu siedò melabel tanà mediyù dalesan, enù ka migketegas sa ulu da, owoy endà egpangunut da diyà si Nemula, owoy egtepengan da sa ketaes tali di.”

Hibelu 3:9

Guwaen i Nemula, “Apiya di pa hinaa da sa medoo panduan binaelan ku diyà kenagda taman epat pulù gepalay, takaan da doo aken egtepeng.

Hibelu 8:9

Owoy siini magtu ukit, beken lagà sa tapay ukit binaelan ku diyà sa medoo tupù da egoh anay egoh ku mig-uwit kenagda kedu diyà tanà Igiptu. Endà egpangunut da diyà sa medoo igsugù ku diyà siedò tapay ukit, huenan di ininiyugan ku kagda,” guwaen i Nemula.