Binaelan 22:24 - Kagi nemula (Word of God)

²⁴ Egoh sa kapitan sundalu mighaa tigtu egbulit da, igpeuwit di Pabelo i dalem sa kutà sundalu anì ipetapes di anì tumulon sa tuu kagi, enù ka ungayà di metiigan sa pesuwan i Pabelo egbulitan sa medoo etaw, enù ka endà netiigan di duu sa kagi Hibelu.

Binaelan 22:24 Mawu Ofanana

Huwan 19:1

Agulé, igsugù i Pilatu igpetapes Hésus i.

Binaelan 16:37

Dodoo endà neiyap Pabelo i, owoy guwaen di diyà sa sundalu, “Apiya di pa kami sa etaw Loma, tinapes da doo kami diyà sa kehaa sa medoo etaw, owoy nebilanggu ké apiya di pa endà duen salà ké. Ungayà da endà metiigan di etaw sa kelaun ké. Dodoo endà mipanaw ké taman endà mangay da dini anì launen da kami.”

Binaelan 21:34

Duen etaw egsagbì, dodoo endà nesetepeng sa inikagi da. Huenan di, endà netiigan sa kapitan sundalu sa nebaelan i Pabelo danà sa metaled kagi sa medoo etaw. Agulé igpeuwit di Pabelo i diyà sa kutà sundalu.

Binaelan 21:37

Na, egoh da buyu dé egdalem diyà sa kutà sundalu, eg-ikagi Pabelo i diyà sa kapitan sundalu, guwaen di, “Duen sa ikagiyen ku diyà keniko amuk mebaluy.” Negaip sa kapitan, owoy guwaen di, “Neketiig ka doo sa kagi Geligu.

Binaelan 23:10

Agulé, tigtu egsesigbolowoy da temù, owoy nelimedangan sa kapitan sundalu enù ka buyu dé egsekodoten da Pabelo i. Huenan di, sinugù di sa sundalu di anì angayan da Pabelo i anì uwiten da dalem sa kutà sundalu.

Binaelan 23:27

Ini sa etaw igpeuwit ku diyà keniko, enù ka sinigkem sa medoo Hudiyu kagdi owoy imatayan da hedem. Dodoo mig-angay ké sa medoo sundalu ku anì mealukan ké kagdi enù ka netiigan ku kagdi sa etaw Loma.

Binaelan 28:18

Egoh da mig-igsà kenak, lengaan da hedem aken, enù ka endà duen salà ku sa pesuwan ku meimatayan.

Hibelu 11:35

Owoy duen ma bayi egpigtuu, huenan di mig-enaw sa anak da nematay. Duen ma medoo liyu etaw egpigtuu nesigkem da. Apiya di pa nepelihay da taman egoh da nematay, endà doo eg-eked da egpigtuu, enù ka ungayà da enawen i Nemula kagda anì mekeugpà da diyà kenagdi taman melugay.