Binaelan 17:25 - Kagi nemula (Word of God)

²⁵ Endà duen sa kulang di kenà ta meketabang kenagdi, enù ka kagdi polo sa egbegay langun diyà kenita lapeg sa ginawa ta owoy sa lalù ta.

Binaelan 17:25 Mawu Ofanana

Matéyo 5:45

Amuk hediya, mekesuet yu si Nemula sa Emà ta diyà langit, enù ka egpelegdawen di sa agdaw diyà sa langun etaw, iling ka medaet etaw ataw ka mepion. Owoy ibegay di ma sa udan diyà sa hinemulaan langun etaw, iling ka mepion sa egbaelan da ataw ka medaet.

Matéyo 9:13

Enù di ya, ngadan sa selepangan siini kagi i Nemula igpesulat, guwaen di, ‘Beken iya sa ungayà ku sa hinagtay ibegay yu diyà kenak. Dodoo iya polo sa tigtu ungayaen ku sa kesehiduway yu.’ Na, pineangay a dini anì isasà ku sa medoo etaw neketiig duen salà da, beken duu sa medoo etaw guwaen da dò endà duen salà da.”

Binaelan 14:17

Dodoo duen doo sa ukit ta meketiig kenagdi danà sa mepion egbaelan di diyà kenita, enù ka egbegay udan diyà kenita owoy sa langun egbunga uman palay anì duen sa kaenen ta owoy sa mepion pedu ta.”

Binaelan 17:28

enù ka guwaen sa etaw, ‘Kagdi sa eghagtay kenita owoy sa egpebael kenita owoy sa egpepenemdem kenita.’ Hediya ma sa igsulat sa etaw milantek diyà keniyu, guwaen di, ‘Anan ki anak i Nemula.’

Loma 11:35

“Endà ma mebaluy di begayan ta kagdi anì dumuen sa utang di diyà kenita.”

1 Timotiyu 6:17

Na, sasà ko sa medoo etaw kawasà ini egoh di anì endà pedakelen da duu kagda anì endà ma egsalig da diyà sa medoo pantiyali da melemu mekedan. Sugù ko kagda anì sumalig da polo diyà si Nemula, sa egbegay sa langun taman diyà kenita anì meanggan sa pedu ta.