2 Kolintu 10:10 - Kagi nemula (Word of God)

¹⁰ Dodoo, duen etaw diyan guwaen da dò mebalaw a gaa owoy egbulit a ma amuk egsulat a diyà keniyu, dodoo amuk diyà a keniyu melenek a gaa owoy endà ma mekegaga a tumulù keniyu.

2 Kolintu 10:10 Mawu Ofanana

1 Kolintu 1:17

Beken iya sa igsugù i Kelistu kenak anì egbautis a etaw, dodoo sinugù di aken anì tumulù a polo sa Mepion Tegudon. Egoh ku egtegudon, endà eg-ilingan ku duu sa melikut keikagi etaw guwaen da dò milantek, dodoo melemu doo sa kagi ku egtegudon anì meketiig sa etaw egdineg anì endà mealang sa tegudon denu sa kepatay i Kelistu diyà sa kayu igbugsud.

1 Kolintu 1:21

Na, danà sa dakel penemdem i Nemula, endà duen etaw egpeketiig kenagdi danà sa penemdem da daa, apiya di pa dakel. Dodoo, iya sa penemdem i Nemula alukan di polo sa medoo etaw egpigtuu sa tegudon ké guwaen da dò endà duen lantek di.

2 Kolintu 10:1

Na, si Pabelo a eg-ikagi ini i diyà keniyu. Duen etaw guwaen da dò melenek a gaa amuk diyà a keniyu, dodoo mebalaw a gaa amuk egsulat a diyà keniyu kedu mediyù dò. Dodoo danà ku eg-iling sa adat i Kelistu egoh di migpetukééy owoy mipedu ma,

2 Kolintu 10:11

Amuk hediya sa penemdem da, mepion amuk metiigan da iya polo sa unutan ké amuk tumebow ké diyan sa sulat ké egoh ké endà pa diyan.

2 Kolintu 10:9

Apiya di pa hediya sa inikagi ku diyà keniyu, endà doo meiyap a amuk melimedangan yu danà sa sulat ku diyà keniyu.

2 Kolintu 11:21

Adi-adi da pa diyà kenami, enù ka memala a umiling sa hagda egbaelan diyà keniyu guwaen yu dò tigtu mepion. Na, amuk mebagel da egpeolòolò, mebagel a ma doo egpeolòolò, apiya lagà a sa etaw endà duen penemdem.

2 Kolintu 11:6

Apiya di pa endà tigtu a egpekegaga egtulù, netiigan ku doo sa tuu tegudon. Netiigan yu doo iya wé, enù ka anan tuu sa langun igtulù ké keniyu.

2 Kolintu 13:3

Na, amuk pigtamayan ku kiyu, metiigan yu doo danà i Kelistu iya wé inikagi ku diyà keniyu. Endà melenek Kelistu i, dodoo ipehaa di polo sa dakel egkegaga di amuk duen sa baelan di diyà keniyu.