1 Kolintu 4:8 - Kagi nemula (Word of God)

⁸ Na, yoko egpenemdem duu negulub dé sa netiigan yu owoy kawasà yu ma. Guwaen yu dò kiyu sa migkedatù ini egoh di, apiya di pa endà pa kami i. Mepion polo amuk tuu iya wé kedatù yu anì mekeunut ké ma keniyu kumedatù.

1 Kolintu 4:8 Mawu Ofanana

Matéyo 5:1

Na, egoh di mighaa sa melaweng etaw, migtekedeg Hésus i diyà sa mepokò getan owoy migpenuu dahiya. Agulé eg-angay sa medoo pasek di egdapag diyà kenagdi,

Lukas 6:25

“Apiya di pa nebesug yu ini egoh di, melikutan yu doo enù ka meketues yu kani. “Apiya di pa eggemen yu ini egoh di, melikutan yu doo enù ka mebukul yu temù owoy suminegaw yu ma.

Binaelan 26:29

Egsagbì Pabelo i, guwaen di, “Iling ka melugay ataw ka endà melugay di, egsimbà a diyà si Nemula anì mekeiling ka kenak, taman sa langun kedoo yu egdineg diyà kenak ini egoh di. Dodoo endà egkeiyapan ku duu amuk mepolot yu sangkalì iling kenak.”

Loma 12:3

Ini sa isasà ku diyà keniyu langun danà i Nemula migpeuloy diyà kenak sa egkegaga ku egtulù. Yoko egpenemdem duu uman pa mehagtaw yu diyà sa medoo duma yu, dodoo pepion yu polo sa penemdem yu denu sa egkegaga igtukid i Nemula diyà keniyu danà sa kepigtuu yu.

1 Kolintu 1:5

Danà yu nesesebaen si Kelistu, tigtu medoo sa igtabang di keniyu, huenan di melabel sa penemdem yu owoy dakel ma sa egkegaga yu egtulù.

1 Kolintu 4:18

Na, duen gaa etaw diyà keniyu egpedakelen da kagda, enù ka guwaen da dò endà mangay a diyan.

1 Kolintu 5:6

Endà duen pesuwan yu metuuwan diyà sa binaelan di medaet. Mepion polo amuk kumedaet sa pedu yu anì endà mekeseluh sa salà di diyà keniyu langun, enù ka netiigan yu doo medelamet mekeseluh sa tukééy ipelenuk epan diyà sa langun tapung amuk egbael ki epan.

2 Kolintu 11:1

Na, ungayà ku endà mesemek yu dumineg sa ikagiyen ku diyà keniyu, apiya di pa lagà a sa etaw endà duen penemdem. Tigkel yu, hih.

2 Kolintu 13:9

Apiya di pa endà mehaa sa egkegaga ké migtamay keniyu, egkeanggan ké doo amuk meudes yu egpangunut diyà sa mepion adat. Huenan di, takà ké kiyu isimbà anì tigtu kumetiengaw sa adat yu.

Galatiya 6:3

Amuk duen etaw guwaen di dò negulub sa pedu di dodoo endà pelawà, iya sa etaw neakalan.

Pilipos 1:27

Na, sumalà dé sa mebaelan ku, iling ka mematay a ataw ka endà pa, ini sa isasà ku keniyu. Pelumani yu sa adat yu anì mekeiling yu diyà sa Mepion Tegudon denu si Kelistu. Enù ka apiya di pa endà pelikù a diyà keniyu, duminegdineg a daa denu keniyu amuk mesesebaen sa pedu yu metigkel owoy egkesetabang yu egtulù sa Mepion Tegudon anì kumedoo sa etaw egpigtuu.

Pilipos 2:12

Na, o medoo duma ku eghiduwan ku, egoh ku mig-ugpà diyà keniyu egoh anay, takà yu migpangunut diyà sa igtulù ku keniyu. Huenan di, umani yu pa pangunuti sa igtulù ku ini egoh di egoh ku endà dé diyà keniyu. Owoy udesi yu sa kepigtuu yu anì meketuu sa langun inedungan i Nemula egoh di mig-aluk keniyu. Owoy adati yu ma kagdi danà yu nelimedang neketipay kenagdi.

Kepehaa I Hésus Kelistu 3:17

Egpeolòolò yu daa danà yu kawasà dé etaw owoy mepion sa keugpà yu owoy endà ma duen sa kulang yu. Dodoo, lagà yu polo etaw langap enù ka endà egketiigan yu duu sa tigtu kelikutan yu. Mekehiduhidu yu enù ka lagà yu pubeli etaw danà di kulang sa kepigtuu yu. Lagà endà duen ginis yu enù ka endà duen sa mepion egbaelan yu.

Kepehaa I Hésus Kelistu 5:10

Iglapeg ko kagda diyà sa medoo etaw eg-ipaten ko, owoy binaluy ko ma kagda sa medoo egsugùsuguen ko takà eg-olò si Nemula, owoy begayan ko ma kagda sa kedatuan da diyà tanà.”