1 Kolintu 13:9 - Kagi nemula (Word of God)

⁹ Iya maen di ya mekedan enù ka endà pa negulub di sa netiigan ta, owoy endà ma negulub di sa egkegaga ta egtulon sa kagi i Nemula egtebowtebow.

1 Kolintu 13:9 Mawu Ofanana

Matéyo 11:27

Agulé guwaen i Hésus, “Aken sa sinaligan i Emà sa langun penemdem di. Endà duen etaw egpeketiig kenak liyu daa si Emà. Endà ma duen etaw egpeketiig si Emà liyu daa aken i anak di owoy sa medoo etaw tuluen ku denu kenagdi.”

Loma 11:34

Hediya ma sa kagi i Nemula igpesulat, guwaen di, “Apiya sebaen, endà duen etaw meketiig sa penemdem i Nemula. Owoy endà ma duen etaw meketulù kenagdi.”

1 Kolintu 13:10

Dodoo amuk tumebow kani sa tigtu negulub, mekedan doo sa medoo endà pa negulub.

1 Kolintu 13:12

Ini egoh di sa keketiig ta si Nemula lagà sa alung eghauwen ta diyà sa pegalungan endà metiengaw. Dodoo, meuma kani sa agdaw egoh ta tigtu humaa si Kelistu enù ka mesetaeng ki. Apiya di pa tukééy daa sa keketiig ku ini egoh di, meuma doo kani sa agdaw egoh di megulub sa keketiig ku lagà mendaa sa keketiig i Nemula kenak negulub.

1 Kolintu 2:9

Dodoo duen sa kagi i Nemula igpesulat, guwaen di, “Sa medoo mepion endà pa hinaa di mata etaw owoy sa endà pa dinineg di telinga etaw owoy sa endà pa netiigan di pedu etaw, iya polo sa tinapay i Nemula ibegay di diyà sa medoo etaw mehidu kenagdi.”

1 Kolintu 8:2

Amuk iya sa penemdem sa sebaen etaw dakel dé sa netiigan di, kulang doo pelà sa hagdi ketiigan.

1 Huwan 3:2

O medoo duma ku eghiduwan ku, kita dé sa inanak i Nemula ini egoh di. Apiya di pa endà pelà netiigan ta duu sa palas ta kani, netiigan ta doo mekeiling ki si Kelistu amuk pelikù, enù ka tigtu hauwen ta.