1 Kolintu 11:25 - Kagi nemula (Word of God)

²⁵ Hediya ma, egoh da neubus egkaen, sinabaan i Datù sa tabù duen wain, owoy guwaen di, “Ini sa depanug ku, sa tandà di meketuu sa magtu ukit igpasad i Nemula umaluk etaw. Uman yu uminem ini i ibegay ku, ketulengi yu aken.”

1 Kolintu 11:25 Mawu Ofanana

Lukas 22:20

Diya ma sa egbaelan di diyà sa wain egoh da neubus egkaen. Igtukid di diyà kenagda, owoy guwaen di, “Ini sa depanug ku lumesut amuk meimatayan a anì metigtuwan sa salà yu. Siini depanug ku, iya sa tandà di meketuu sa magtu ukit igpasad i Nemula umaluk etaw.”

1 Kolintu 10:16

Amuk kumaen ki sa Labung i Datù, sumimbà ki egpesalamat diyà si Nemula danà sa wain. Amuk uminem ki sa wain, egtandaan ta sa egoh ta nesesebaen si Kelistu danà sa depanug di. Diya ma amuk kumaen ki sa epan tinepitepi, egtandaan ta ma sa egoh ta nesesebaen si Kelistu danà sa lawa di nematay.

1 Kolintu 11:24

Egoh di migsimbà egpesalamat diyà si Nemula danà sa epan, tinepitepi di owoy eg-ikagi, guwaen di, “Ini sa lawa ku sa itigtu ku keniyu. Owoy ilingi yu takà siini egbaelan ta anì metulengan yu aken.”

2 Kolintu 3:14

Egoh iya, endà neketiig da enù ka lagà nedilungan sa penemdem da. Hediya ma taman ini egoh di, enù ka amuk egbasawen da sa libelu denu sa tapay pasad i Nemula, tapay doo nedilungan sa penemdem da enù ka endà pa egpeketiig da. Endà mekedan sa nekelimun diyà sa penemdem da taman endà migtuu da diyà si Kelistu.

2 Kolintu 3:6

Enù ka kagdi sa egbegay egkegaga diyà kenami anì meketulù ké denu sa magtu ukit di umaluk etaw. Beken iya sa igsugkow ké sa medoo uledin igsulat, dodoo iya polo sa igsugkow ké sa igtulù sa Suguy i Nemula. Mepigtamayan sa etaw taman melugay danà sa uledin igsulat enù ka endà egkepangunutan da duu, dodoo mebegayan da polo sa lalù endà meelut di danà sa Suguy i Nemula.

Hibelu 13:20

Na, inenaw i Nemula Hésus Kelistu i sa Datù ta egoh di nematay. Danà sa depanug di miglesut, iya sa tandà di sa magtu ukit ta mekeangay dumapag diyà si Nemula taman melugay. Huenan di, si Hésus sa lagà mepion tegeipat kebilibili, owoy lagà ki sa kebilibili eg-ipaten di. Egsimbà a diyà si Nemula, sa egpelanih pedu ta, anì mebegayan di kiyu sa langun igtabang di anì mekegaga yu mangunut diyà sa hagdi uyot. Egsimbà a ma anì tabangan di kiyu danà i Hésus Kelistu anì mebaelan yu sa langun galebek kenà di metuuwan. Huenan di, meolò Hésus Kelistu i taman melugay. Amin.