1 Kolintu 11:12 - Kagi nemula (Word of God)

¹² Egoh anay egoh i Nemula migbael etaw, kedu diyà maama sa bayi. Dodoo eg-edung egoh iya, kedu diyà bayi sa langun maama. Dodoo si Nemula sa migpeduen sa langun eghauwen.

1 Kolintu 11:12 Mawu Ofanana

Loma 11:36

Si Nemula sa migpeduen sa langun taman, owoy kagdi ma sa egsabà sa langun pineduen di, owoy kagdi sa meolò danà sa langun pineduen di. Huenan di, meolò Nemula i taman melugay. Amin.

1 Kolintu 11:11

Dodoo, endà mepion di diyà si Datù amuk endà setabangay ki, maama owoy bayi.

1 Kolintu 8:6

netiigan ta doo sebaen i Nemula daa, sa Emà ta. Kagdi sa migpeduen sa langun taman diyà tanà owoy diyà langit, owoy kagdi sa egpangunutan ta. Sebaen ma daa sa Datù ta, si Hésus Kelistu. Anan danà di sa langun pineduen i Nemula, owoy danà di ma nebaluy dé kita sa etaw di.

2 Kolintu 5:18

Binaelan i Nemula langun iya wé, enù ka apiya di pa egkesekuntelà ki si Nemula egoh anay, eg-upionen di doo kita danà i Kelistu anì meseloyuk ki dé. Igsalig di ma diyà kenami siini galebek anì tumegudon ké diyà sa medoo etaw anì upionen di ma kagda.