1 Kolintu 10:27 - Kagi nemula (Word of God)

²⁷ Hediya ma, amuk igsasà ka sa etaw endà egpigtuu anì kumaen ka diyà sa dalesan di, angay ka ma doo dutu amuk iya sa pedu ko. Sumalà dé sa kaenen itenà di diyà keniko, kaen ko dé, dodoo yaka eg-igsà duu sa keduwan di anì endà mebogo sa pedu ko.

1 Kolintu 10:27 Mawu Ofanana

Lukas 15:23

Kuwa yu sa nati sapì mitabà owoy dulisi yu anì mista ki

Lukas 19:7

Dodoo egoh sa medoo etaw eghaa sa kegemow da, egsesigbolowoy da, guwaen da, “Maen di ya eglengenan i Hésus iya wé maama tegebael salà?”

1 Kolintu 10:25

Na, mebaluy doo amuk kaenen yu sumalà dé sa balangan kaleni egdagangen da diyà padian. Dodoo amuk egbeliyen yu, yoko eg-igsà duu sa keduwan di anì endà duen pesuwan di mebogo sa pedu yu.

2 Kolintu 1:13

Igsulat ké daa diyà keniyu sa mebasa yu owoy sa metiigan yu ma. Dodoo apiya di pa endà netiigan yu duu sa langun denu kenami, ungayà ku tigtu yu meketiig langun anì meanggan yu diyà kenami lagà sa nami keanggan denu keniyu amuk meuma sa agdaw sa kepelikù i Datù Hésus.

2 Kolintu 4:2

Tigtu eg-ekedan ké sa medaet egbaelan etaw linidung enù ka mekemala. Endà eg-akalan ké duu sa medoo etaw, owoy endà ma ig-amut ké duu sa butbut diyà sa kagi i Nemula. Dodoo netiigan i Nemula egpetumàmaen ké polo sa tuu tegudon anì metuuwan sa medoo etaw diyà sa egbaelan ké.

2 Kolintu 5:11

Na, netiigan ké tigtu egkelimedangan sa medoo etaw sa agdaw egoh i Datù tumepeng sa binaelan ta langun, huenan di takà ké egtulù anì migtuu sa medoo etaw. Netiigan i Nemula metiengaw sa pedu ké, owoy ungayà ku metiigan yu ma iya wé.