Viaqa 4:26 - Molima

²⁶ Ta bwaʼobwaʼo ana toluvine qiduqiduadi be ana tovanugwetayavo ivavaʼauta ta iʼivaʼavaʼata vedavi weaqina, nuanuadi Kaiwabu be ena Keliso ina luaviedi.’

Viaqa 4:26 Mawu Ofanana

Luke 4:18

“Kaiwabu Niboanina ʼiguya toatoa, mana tauna venuaʼivinegu be luvetunegu yamai vale aqiaqina sabi simanina lukwalukwa ʼidia. Ta yoqoyoqonidi wese vetunegu ʼidia, adi ʼetoyavua weaqina sabi simanina. Ta wese vetunegu matadi kwayakwayana ʼidia sabi giveaqiaqidi. Ta wese luvetunegu totoa vita ʼidia sabi ʼetoyavuidi adi aviayavo nimadiega,

Viaqa 10:38

Ta wese niʼa oalamania Yaubada Ieisu Nasaleta ʼolotona venuaʼivinia. ʼInega Niboana Gwalagwalana neia ta wese waiwai neia. ʼInega Ieisu tauya ʼabaga taha taha ʼidia ta tomotau iuledi. Ta tomeqabu Seitani giveluveifedi e Ieisu giveaqiaqiedi, mana yani qabuna viaqidi Yaubada ena waiwaiega.

Ibeliu 1:9

Oʼa ilivu be ʼeda tunutunuqidi uʼawahaqiaqiedi, ta luvine qabudi adi qeu unoga aqiaqiea. ʼInega yaʼa Yaubada eu Yaubada yavenuaʼivineu ta dedeʼwa ʼebeqaiawa ana gihiwaqa ʼinega yagiveqaiaweu qiduana, ta ʼabiboda emwavo.”

Veʼita 11:15

ʼInega Yaubada ena tovaleʼewa vesevenina ena bea muʼea ta mahalega gaba waiwaidi yanoqolia ivonaya, “Eda Kaiwabu ta wese ena Keliso vevenuaʼivinina bwaʼobwaʼo diʼwenavo qabuna niʼa iʼabiluvinea, ta tauna tuta vataya ʼidia naʼabiluvine.”

Veʼita 12:10

ʼInega taha bona waiwaina mahalega yanoqolia gaba vonaya, “Lova ʼinega kalulututa ada ʼetoyavua weaqina, ta baʼitagana eda Yaubada ʼinega ʼetoyavua vataya mai ʼidaya. Tauna Tovewaiwai ta ena ʼEbeluvine niʼa giveʼifoqeyea ta luluvine. Yaubada lova vona fofofoleda taha Kini naʼifoqe mai ʼidaya, ta baʼitagana vona nana ana aqiaqi niʼa ʼifoqe, mana Keliso niʼa mai ʼidaya ta ʼabiluvine ʼewea Yaubada ʼinega. Ta Keliso nana ena ʼabiluvine ʼinega Seitani felawebuiea bwaʼobwaʼoya. Seitani wese ana wawa Toveʼewa, mana tauna ʼaubena be wese velovelovana qabuna ʼidia edavo tovetumaqana veveʼewedi Yaubada matanaya.

Veʼita 17:17

Baʼe yani diavona ina ʼifoqe Yaubada ena nuanua ʼinega, mana ena nuanua baʼe aʼuya toluvine teni dina edi nuanua ʼinaya. E ʼinega edi ʼabiluvine iawafelea yubai nana ʼinaya, be yaqisa Yaubada ena nuanua tuta maimai weaqina ana aqiaqi naʼifoqe.