Veʼita 13:6 - Molima

⁶ ʼInega yubai nana Yaubada ʼinaya yani qabuna weaqina ʼawaluveifea, ʼidewani ana wawa weaqina be, ena ʼabaga mahalaya weaqina, ta wese mahala ana totoayavo ʼawaluveifedi.

Veʼita 13:6 Mawu Ofanana

Madiu 12:34

Omiʼa mwata natunavo, ʼinega gebu ami fata vona aqiaqidi ona vonayedi mana omiʼa luveluveifami. Ta tolaʼai luveifana giwalimia ʼenoʼenova tuta qabuna ʼawamiega iʼifoʼifoqe.

Madiu 15:19

Mana giwalidiega nuanua luveifadi ʼifoʼifoqe ʼidewana luveʼaliga be, luabu be, velamoʼeno kavokavovo be, vanawala be, ʼeuʼauʼava ta wese awagila.

Ioni 1:14

Ta Vona nana vetomotau ta toatoa nuanidaya bwaʼobawaʼo baʼe debanaya. Ta tauna veyoluba be wese vonahaqiaqi ʼavana, ta wese ena aqiaqi otaqa niʼa aʼitea, ta baʼe aqiaqi nana ʼewea Tamana Yaubada ʼinega, mana tauna ana ʼaidega otaqa Yaubada Natuna.

Loma 3:13

“Edi vona qabuna luveifa otaqina, kavona ʼuluma meilana davilivilia debaʼunuyega.” “Ta meadi uʼava ʼavana, ʼinega edi vona ʼidiega tomotau iveveilaqeyedi kavona be mwata veifana tomotau edi ʼebeveilaqe.”

Kolose 1:19

Mana Yaubada ena waiwai be, ena kaikaiwabu be, ena ilivu ta wese yani qabuna aqiaqina ʼinaya iʼenoʼeno wese nuanuana Natuna ʼinaya ina ʼenoʼeno, e ʼinega Tamana yani diavona neia. Vonahaqiaqi, Ieisu tauna Yaubada ʼidewani.

Kolose 2:9

Mana tuta nana Keliso vetomotau mai bwaʼobwaʼoya ʼinega Yaubada ena kaikaiwabu be, ena waiwai be, ena nuanua be, ena ilivu ta wese yani qabuna aqiaqina ʼinaya iʼenoʼeno aʼukamanedi Natuna ʼinaya. Keliso vonahaqiaqi Yaubada ʼidewani.

Ibeliu 9:2

Ta ana sifaufa magilafuna. Ta sifaufa nugwenugweina igabea ana wawa Sifaufa Gwalagwalana. Ta gamonaya vaina kulufa iaʼudi ʼidewani odamu ana ʼebeaʼu ta wese tebolo taha. Ta tebolo nana debanaya beledi gigivegwalana iaʼudi edi nei kavovo weaqina Yaubada ʼinaya.

Ibeliu 9:24

Mana Ieisu ge dalugu vanue tafwalolo gwalagwalana taha ʼinaya tomotau nimadiega iyoqonia. Vonahaqiaqi, bwaʼobwaʼo ana vanue tafwalolo kavona mahala ana Vanue Gwalagwala Otaqina ʼanuʼanunu namo ʼidewani. Ta ʼesi Keliso lugu mahalaya, ta omoʼe ʼinaya Yaubada matanaya tovotovolo weaqida.

Veʼita 11:12

ʼInega magilafudina taha bona waiwaina inoqolia mahalega ʼifoqe vonedi vonaya, “Oʼwatovu mai baʼidia!” ʼInega gawatega voaladiavo matadia ivaneqa mahalaya.

Veʼita 12:12

ʼInega mahala ta wese ana totoayavo ona qaiawa qiduana! Ta ʼesi veilaqe ta visiqa naʼifoqe bwaʼobwaʼo ta wese mwadeʼwa ʼidia, mana mwata luveifana niʼa webui mai ʼimia ma ana diavilavila, mana alamani aqiaqiea ena tuta niʼa vekusakusa.”

Veʼita 15:5

ʼInega yavevekova ta Yaubada ena Vanue Gwalagwalana mahalaya yaʼitea, ta gamonaya Yaubada ena Sifaufa Gwalagwalana ana wawa Tabenakeli sisiwaʼana yaʼitea.

Veʼita 18:20

ʼInega totoa mahala ona qaiawa! Omiʼa Yaubada ena tomotauyavo, be ana tovesimasimanayavo be ena tovaletuyanayavo qabumi ona qaiawa, mana lova visiqa ʼabaga nana ʼinega olobea, ta baʼitagana ena veilivu veifa ʼimia weaqina Yaubada niʼa veʼiea.’”

Veʼita 21:3

Ta galiva kaikaiwabuna ʼinega taha bona qiduana yanoqolia vonaya, “Baʼitagana Yaubada ena ʼabaga niʼa ʼifoqe ena tomotauyavo ʼidia. Ta tauna tomotau diavona maega ina toatoa, ta taudina ena tomotauyavo, ta tauna edi Yaubada.

Veʼita 4:1

Kaiwabu ena vona ʼiguya gumwala, ʼinega taha ʼawa waʼawaʼana yaʼitea, ta omoʼe ʼawa nana mahala ana ʼebelugu. Ta bona nana yanoqola ʼeviviea ana noqola kavona bea butuna danununuqa ta vonegu vonaya, “Uʼwatovu mai ʼiguya ta tolaʼai nawale naʼifoqe tuta maimai ʼidia ena veʼiteu.”

Veʼita 4:4

Ta wese galiva kaikaiwabudi adi yau 24 itoa vivilia. Ta galiva diavona ʼidia kaiwabu adi yau wese 24 itoatoa, ma adi kaleko wadawadaeadi ta debadi ana biatuli namanamalidi goula ʼinega.

Veʼita 5:13

E ʼinega Yaubada ena ʼivaʼavaʼatayavo qabudi mahalaya be, bwaʼobwaʼoya be, bwaʼobwaʼo ʼayanaya ta wese mwadeʼwaya yanoqolidi iʼevoʼevosi ivonaya, “Tauna galiva kaikaiwabuna ʼinaya toatoa ta wese Lami nana kana awatubodi ta kana ʼamayabedi, mana taudi tovekaikaiwabu ta wese tovewaiwai tuta vataya ʼidia.”

Veʼita 7:15

ʼInegana, baʼitagana taudi Yaubada ana galiva kaikaiwabuna ʼiawanaya itovotovolo, ta ʼaubena be wese velovelovana qabuna ʼidia iawahawatuboya ena Vanue Gwalagwalana ʼinaya. Ta totoa galiva nana tuta qabuna taudi maega ina toatoa ta navabodebodedi.

Veʼita 7:9

Avo gumwala ʼinega wese taha qabu qiduadi yaʼitedi. Ta qabu diavona diʼwe taha taha ʼidiega be, gade taha taha ʼidiega be, ʼwafi taha taha ʼidiega ta wese bona taha taha ʼidiega. Adi kaleko wadawadaeana ta kuekuena, ta nimadia magimagi ʼwaena ikafikafia. Ta qabu diavona adi yoʼo qidua vaʼinena ʼinega ge taha toga ana fata be nahavodi. Taudi itovotovolo Yaubada ana galiva kaikaiwabuna be Lami nana ʼiawadia,