Madiu 4:7 - Molima

⁷ Ta Ieisu Seitani ena vona veʼiea vonaya, “Vona taha wese Buki Nugwenugweina ʼinaya ʼenoʼeno vonaya, ‘Eu Kaiwabu Yaubada ge una sitonovi!’”

Madiu 4:7 Mawu Ofanana

Madiu 21:16

ʼInega toveguba dina Ieisu ivetalaʼaiea ivonaya, “Nage gogama baʼe edi vona unoqolia?” ʼInega Ieisu vona ʼeviviedi vonaya, “ʼAo, niʼau yanoqolia, ta nage Buki Nugwenugweina gamonaya ge oda avoya vonaya, ‘Gogama agoagodi ta wese sususudi niʼa uveʼitedi maʼoda ʼinega ʼawadiega ina awatubo aqiaqieu.’”

Madiu 21:42

ʼInega Ieisu wese vona sesebaiega vonedi vonaya, “Nage Buki Nugwenugweina ena simana ʼinega onuaveʼavinia vonaya, ‘Lova ʼoqola nana toʼeyoqona inogea, ta baʼitagana ʼoqola qabudi luviluvinedi. Baʼe eda Kaiwabu ena viaqa, ta viaqa nana ana ʼita aqiaqi otaqina ʼidaya.’

Madiu 4:10

ʼInega Ieisu voneaya, “Seitani, unogegu! Buki Nugwenugweina gamonaya luvine ʼenoʼenova vonaya, ‘Eu Kaiwabu Yaubada ana ʼaidega otaqa una iwaʼodu ʼinaya, ta wese una vetofewa ʼinaya.’”

Madiu 4:4

ʼInega Ieisu vonaya, “Buki Nugwenugweina ena simana vonaya, ‘Gebu ʼabwaga namo ʼinega tomotau iula ina lobei yawaidi weaqina, ta ʼesi Yaubada ena vonayavo qabudi wese ʼidiega.’”

Luke 4:12

Ta Ieisu veʼiea vonaya, “Buki Nugwenugweina vonaya, ‘Eu Kaiwabu Yaubada ge una sitonovi!’”

Viaqa 15:10

ʼInega Ieisu ana tovetumaqana vauvaudi taudi ge me Diu ge vita ona neidi fole Yaubada nanualuveifa ʼidaya. Mana lova tubudavo ge adi fata Mosese ena luvineavo ina ʼabibodei ta wese itaʼa ʼidewana.

Viaqa 5:9

ʼInega Fita vonedi vonaya, “Maʼoda ʼinega omiʼa magilafumi emi nuanua ʼaideganega oawafelemi be Kaiwabu Niboanina niʼa ositonovia? Oʼitei, moqanemi ana totavunayavo ilugulugu mai ta wese omiʼa ina ʼavala ʼifoqeyemi.”

1 Kolinita 10:9

Ta wese eda Kaiwabu ge kana sitonovi ʼidewani tubudavo vaidi iviaqia edi ilivu luveifana ʼinega. Vona aqiaqi, luveifa nana iviaqidi ʼinega mwata iʼifoqe iʼutedi ʼinega iʼeluʼaliga.

Ibeliu 3:9

Omoʼe ʼinaya yaʼa Yaubada egu viaqa waiwaidi yaʼwala 40 ʼidia iʼitedi, ta tua nawale egu bibitaqo isitonovia edi vedeba ʼiʼwana ʼinega.