Luke 9:35 - Molima

³⁵ ʼInega gawatega taha bona inoqolia vonaya, “Baʼe Natu Otaqigu vevenuaʼivinina. Tauna ena vona ona noqolia!”

Luke 9:35 Mawu Ofanana

Madiu 12:18

“Baʼe egu Tofewa yavenuaʼivinea ta me egu qaiawa giwaliguyega yaveveyolubea. Niboanigu ena aʼuya ʼinaya, be luvine tunutunuqina ʼiguyega nasimanea taudi ge me Diu ʼidia.

Madiu 3:17

ʼInega bona taha mahalega ʼifoqe vonaya, “Baʼe Natu Otaqigu. Tauna weaqina yaqaiawa qiduana.”

Maki 1:11

ʼInega taha bona mahalega vonaya, “Oʼa Natu aqiaqigu yaveloyubeu ta weaqiu yaqaiawa qiduana.”

Luke 3:22

ta Niboana Gwalagwalana ana ʼita ʼidewani malasi webui mai Ieisu ʼinaya. ʼInega taha bona mahalega mai vonaya, “Oʼa Natu Otaqigu, ta weaqiu yaqaiqaiawa qiduana ta yaveveyolubeu.”

Luke 9:34

Fita nawale vonavona, ʼinega debadia taha gawata webui mai talakabubudi ʼinega toʼabiboda dina imwaniniva.

Ioni 12:28

Tamagu, baʼe ʼinega au wawa awatubo nalobea.” ʼInega taha bona mahalega ʼifoqe, vonaya, “Yaʼa awatubo niʼa yalobea agu wawa ʼinega. Ta wese nawale agu wawa awatubo naloba ʼeviviea.”

Ioni 3:16

Mana Yaubada tomotau qabudi bwaʼobwaʼoya veyoluba vaʼinedi, ʼinega Natuna ʼaidega otaqina awafelea be yaqisa tomeqabu ivetumaqanea gebu ina ʼaliga, ta ʼesi yawai vataya ina lobea.

Ibeliu 2:3

ʼInega itaʼa maʼoda kana dena ʼaiqa ʼeguma simana nana aqiaqi otaqina ʼetoyavua weaqina ge kana ʼabiboda aqiaqiei? Mana ʼetoyavua ana ʼeda weaqina eda Kaiwabu Ieisu taunega madusimanea. Ta simana nana ana tonoqolayavo iʼawahaqiaqiea ta ivona ʼifoqeyea ʼidaya.

Ibeliu 3:15

Taha vona waiwaina niʼa kanoqolia kana nuaiʼihia vonaya, “ʼEguma baʼitagana Yaubada ena vona onoqonoqolia, ʼinega ge ona vedeba ʼiʼwana ʼidewani lova tubumiavo iviaqa ʼaiqa tuta nana Yaubada ena vona inoqolia ta ilugwavuʼaiea.”

Ibeliu 5:9

Ta baʼe ʼeda nana ʼinega Yaubada ʼawahaqiaqiea tauna Toveguba Qiduana ta aqiaqi otaqina. E ʼinega Ieisu ana tomatayagayavo ʼetoyavua vataya ina ʼewea tauna ʼinega, mana tauna ʼetoyavua ʼiuna.