Luke 8:10 - Molima

¹⁰ ʼInega Ieisu vonedia, “Omiʼa Yaubada ena ʼEbeluvine gamo aqiaqina ana alamani niʼa awafelea ʼimia. ‘Ta mali tomotau vona sesebaiega yaveveʼitedi, mana inoqonoqolia ta nuadi ge daʼeqaʼui, ta wese ma matadi, ta ge ida ʼita aqiaqiea.’”

Luke 8:10 Mawu Ofanana

Madiu 11:25

Baʼe vona diavona ʼabibodanaya Ieisu venoqi vonaya, “Kaiwa Tamagu, oʼa mahala ta bwaʼobwaʼo adi Toluvine, alamani baʼe uaʼukwaivea toalamaniavo ta tonuaʼeqaʼu ʼidia, ta ʼesi tomotau kavokavovo alamani nana niʼa ugiveʼifoqeyea ʼidia.

Madiu 16:17

Ta Ieisu Fita vonea vonaya, “Saimoni oʼa Ioni natuna, vonahaqiaqi una qaiawa, mana baʼe eu alamani ge tomotau ʼidiega daʼifoqe ta ʼesi Tamagu mahalaya neiu.

Maki 4:11

Ta Ieisu vonaya, “Omiʼa Yaubada ena ʼEbeluvine gamona ana alamani aqiaqi niʼau neimi. Ta tomotau qabudi gebu, ʼinega yani qabuna vona sesebaiega yavonevonedi,

Maki 4:12

ta lova tovesimasimana Aisea baʼe qabu diavona weaqidi madusimana vonaya, ‘Egu vona inoqonoqolia ta nuadi ge daʼeqaʼui, ta wese egu viaqayavo iʼiteʼitedi ta ana alamani ge ida lobei. Mana ʼeguma ida alamania ʼinega edi luveifayavo ʼidiega ida nuagivila be ʼinega Yaubada danuataqodi.’”

Ioni 12:40

“Yaubada matadi niʼa givekwayea ta wese giwalidi givefaʼalia, ʼinega ge adi fata matadiega ina ʼita, ta wese ge adi fata nuadi naʼeqaʼui giwalidiega, ta ge adi fata ina nuagivila ʼiguya, mana ʼeguma ida nuagivila ʼinega yaʼa eda giveaqiaqiedi.”

Loma 16:25

Yaubada ana fata be nagivewaiwaiemi, ta baʼe waiwai nana weaqina yaveveluluʼuyayea tuta nana Ieisu Keliso Valena Aqiaqina yalulugaihiea tomotau ʼidia. Ta baʼe Vale nana Yaubada ena nuenuega ʼwaivea ʼimiega tuta ana ʼebeveʼale ʼinega.

1 Kolinita 12:11

Baʼe wilaʼa diavona Niboana Gwalagwalana ʼaidegana ʼinega iʼifoqe. Tauna ana ʼaidega ena nuenuega vewilaʼayedi tomotau taha taha ʼidia.

Kolose 2:2

Nuanuagu qiduana egu vona iula ʼinega ina vewaiwai, ta wese nuanuagu veyolubega taudiega ma ediavo ina ʼitavidi. ʼInega ge ina venuana magilafu, mana Yaubada ena nuanua ʼwaiʼwaivina niʼa ialamani aqiaqiea, e tauna Keliso.

1 Timoti 3:16

Vonahaqiaqi, eda vetumaqana ana alamani ʼidaya yani ʼebenuavoqana. Ta yani qiduana Ieisu Keliso weaqina baʼe: Niʼa vetomotau, ta Niboana Gwalagwalana veʼiteda Ieisu vonahaqiaqi Yaubada Natuna, ta Yaubada ena tovaleʼewayavo iʼitea, ta Vale nana yawala diʼwe taha taha ʼidia ʼinega tomotau inoqolia, ta totoa bwaʼobwaʼo ivetumaqanea. Ta ʼabiboda Tamana ʼewa vaneqea mahalaya.