Luke 6:21 - Molima

²¹ Ta omiʼa ma botanimi ona qaiawa, mana nawale gamomi nakoko. Ta wese omiʼa baʼitagana odoudou ona qaiawa, mana nawale ona dagi.

Luke 6:21 Mawu Ofanana

Madiu 5:4

Aiqabu baʼitaga me edi dou nawale ina qaiawa, mana Yaubada naluʼaiʼaiedi.

Madiu 5:6

Aiqabu nuanuadi ilivu aqiaqina be tunutunuqina naveʼenaʼi ʼidia ina qaiawa, mana Yaubada ilivu nana nagiveʼifoqeyea ʼidia.

Luke 1:53

Ta wese tobotana veʼainidi ʼabo gamodi ʼelukoko, ta tovekaikaiwabu nima ʼavaʼavadi vetune ʼeviviedi.

Luke 6:20

ʼAbibodanaya Ieisu ana toʼabibodayavo ʼita makimakidi ta vonedi vonaya, “Omiʼa lukwalukwami ona qaiawa, mana Yaubada ena ʼEbeluvine omiʼa weaqimi.

Luke 6:22

Ona qaiawa ʼeguma tomotau ina vevoalanemi nage ina nogemi nage ina vegilemi nage ina ʼawaluveifemi emi ʼabiboda yaʼa Tomotau Natuna weaqigu.

Luke 6:25

Ta tomeqabu omiʼa tuta baʼe ʼinaya gamomi kokoya nuakolokolomi, mana nawale botana qiduana ona lobea. Ta wese ʼeguma tuta baʼe ʼinaya odagidagi nuakolokolomi, mana nawale ona nuavita ta ona dou.

Ioni 11:35

Ta Ieisu dou.

Ioni 4:10

ʼInega Ieisu vona veʼiea vonaya, “ʼEguma oʼa uda alamania tolaʼai Yaubada nuanuana naneiu, ta wese ʼeguma uda alamania togama vevenoqieu goʼila weaqina, e ʼinega oʼa tauna uda venoqiea be goʼila mayawaina daneiu.”

Ioni 6:35

ʼInega Ieisu vonedi vonaya, “Yaʼa beledi mayawaina, ta ʼeguma taha toga namai ʼiguya ʼinega ge wese nabotana, ta ʼeguma taha toga navetumaqanegu ʼinega ge wese magana naluayahaya.

1 Kolinita 4:11

Lova ʼinega be ana laba baʼitagana botana qiduana alobelobea, ta wese magama kwavukwavuqa. Ama kaleko eabuabudi, ta tomotau ivunuvunuqima, ta wese ge ema ʼebeʼenomo.

2 Kolinita 11:27

Vonahaqiaqi, egu fewa vitana ʼinega visiqa be siniqaiqai yalobea, ta wese velovelovana vaina ʼidia ge eda ʼeno aqiaqi. Vaina tuta ge agu ʼabwagamo ʼinega yabotana, ta wese vaina tuta magagu kwavuqa mana ge agu goʼilamo. Ta wese vaina tuta gugaʼu vunuqigu, mana egu luyaba dadana ʼinaya ge egu bwahamo ta wese agu kaleko eabuabudi.

2 Kolinita 12:10

Vonahaqiaqi, yaqaiqaiawa qiduana dawalili ʼinaya be, awagila ʼinaya be, veilivu veifa ʼinaya be, vevoalana ʼinaya ta wese vita be visiqa taha taha ʼidia, ʼeguma baʼe yani diavona Keliso weaqina yavevebaedi. Mana tuta nana yadawadawalili, e ʼinega wese Keliso gigivewaiwaiegu.

2 Kolinita 6:10

Imaʼa ʼebenuavita tuta qabuna alobelobedi, ta tua nawale me ema qaiawa. Imaʼa lukwalukwama, ta tua tomotau agivekaikaiwabuyedi. Imaʼa ge ema kulufamo, ta tua Yaubada ena nuakolokolo ʼinega yani aqiaqi otaqina niʼa alobea.

Iemesa 1:12

Tomeqabu sitonova qabudi ilobelobedi ta ibibitaqodi e ina qaiawa, mana adi veʼia nawale Yaubada ʼinega yawai vataya ina lobea. Baʼe Yaubada ena vona fofofola taudi ana toveyoluba weaqidi.

Veʼita 21:3

Ta galiva kaikaiwabuna ʼinega taha bona qiduana yanoqolia vonaya, “Baʼitagana Yaubada ena ʼabaga niʼa ʼifoqe ena tomotauyavo ʼidia. Ta tauna tomotau diavona maega ina toatoa, ta taudina ena tomotauyavo, ta tauna edi Yaubada.

Veʼita 7:16

Ge taha tuta ʼinaya ina botana nage magadi nakwavuqa, ta ge wese veilaqe nage visiqa ina lobei babaʼau nage vaina yani ʼweaʼweavidi ʼidiega.