Luke 12:45 - Molima

⁴⁵ Ta ʼesi ʼeguma tofewa nana taunega navonaya, ‘Egu kaiwabu nawale gigiveʼoveʼo ʼinega taugu egu nuanua ena viaqidi.’ ʼInega tofewa meʼolotodi be vivivinedi ʼefofolidi ta ge wese adi ʼabwaga daneidi, ta ana ʼaidega ʼaiʼai ta goʼila waiwaina numanuma ʼinega vekwavakwava.

Luke 12:45 Mawu Ofanana

Madiu 22:6

“Ta kaiwabu nana wese vaina ena tofewayavo luvetunedi tomotau sabi ʼaionidi, ta taudi wese inoga ta itovolo tofewa diavona iveilivu veifedi ta iluveʼaligidi.

Luke 12:44

Yavona aqiaqiemi, nawale kaiwabu nana ena tofewa navonea ena kulufa ta wese ena kaikaiwabu qabudi adi luvine naneia be naʼitamakidi.

Luke 12:46

Ta taha ʼaubena ena kaiwabu naluveafei namai ta ena fewa luveifana naʼita lobea. ʼInega luvematasabu qiduana naneia ta naʼwavini natauya taudi tovegwavuʼai edi diʼwea.

Luke 21:34

“Ona ʼitamaki aqiaqiemi, ta ge ona qaiawa kavokavovo toyafwauta ʼidewani, be ge goʼila waiwaina ana numa ʼinaya ona awafelemi. Ta wese emi toa bwaʼobwaʼoya weaqina ge ona nuanua ʼenaʼina. Mana ʼeguma ʼedewani ona viaqia ʼinega nawale Yaubada ena ʼaubena qiduana ʼinaya naluveafemi be kavona siʼwa ʼinega nasiʼwemi ta ona veilaqe.

Ioni 2:10

ʼInega voneaya, “Itaʼa eda ilivu vonigo ʼoine aqiaqina tomotau kana nei nugwetedi, ta ʼabiboda tuta nana niʼa tufwana ikwava ʼinega ʼoine kavokavovo kana neidi. Ta oʼa ʼoine aqiaqi otaqina ʼiuya ʼenoʼeno ana laba baʼitagana uveʼifoqeyea?”

Viaqa 2:18

Tuta omoʼe ʼinaya egu tofewayavo meʼolotodi wese mevavinedi Niboanigu ena neidi ta weaqigu ina maduvona fofofola tomotau ʼidia.

Loma 16:18

Baʼe toveʼita diavona ge eda Kaiwabu Keliso weaqina ida fewafewa, ta ʼesi taudiega edi nuanua weaqina ifewafewa. Taudi edi vona yafayafa be wese vona adi noqola aqiaqina ʼidiega tomotau iuʼauʼavedi, mana tomotau diavona ge ida alamania vonigo toveʼita dina edi vona ge Yaubada ena nuanua ʼinega.

2 Kolinita 11:20

Omiʼa tovaletuyana luveifadi ge oda giveluaʼudi tuta nana iveilivu veifemi kavona omiʼa edi tofewa kavovo be, emi kulufa qabudi iʼekilidi be, ivekaiwabu omiʼa weaqimi be, iawawebuiemi be wese iʼaunanavemi, ta omiʼa obibitaqomi.

1 Tesalonaika 5:7

mana toʼeno velovelovana ʼinaya iʼenoʼeno, ta wese goʼila waiwaina ana tonuma velovelovana ʼinaya inumanuma ʼinega ivekwavakwava.

2 Fita 2:13

Taudi edi veʼita ʼinega Yaubada ena tomotauyavo igiveluveifedi, ta giveluveifa nana ʼinega nawale adi veʼia luvematasabu qiduana ina lobea. Taudi edi ʼebeqaiawa yani qabuna luveifadi ʼidiega, ta ʼaubenaya iviaviaqidi ʼwafidi ana giveqaiawa weaqina nage adi lutonova ana giveaqiaqi weaqina. Ta tuta nana taudi maega oʼaiʼai ʼinega edi ilivu luveifana ʼinega igigivebwavumi. Ta edi givebwavu nana ʼimia weaqina iqaiqaiawa.

2 Fita 2:19

Toveʼita ʼeuʼauʼava diavona tuta qabuna ivona fofofola toa yavuyavuina weaqina, ta ʼesi taudiega edi ilivu luveifadi ʼidiega nawale yoqoyoqonidi itoatoa. Mana ʼeguma taha toga ge ana fata yani luveifana nanogei, e ʼinega tauna kavona yoqoyoqonina luveifa nana ʼinega.

Veʼita 16:6

mana totoa bwaʼobwaʼo eu tovesimasimanayavo ta wese eu tomotauyavo iluveʼaligidi ta sulalidi igiveinoqia. ʼInega adi veʼia niʼau uneidi be vonigo sulala ina numa, ta veʼia nana adi luaqiaqi otaqa.”

Veʼita 18:24

Ta wese Yaubada ena tovesimasimanayavo taudi ena nuanua isimana ʼifoqeyedi uluveʼaligidi ta sulalidi inoqa eu ʼedayavo ʼidia. Vonahaqiaqi, oʼa eu nuanua ʼinega Yaubada ena tomotauyavo iluveʼaligidi bwaʼobwaʼo ena diʼwe qabudi ʼidia.”