Loma 16:4 - Molima

⁴ Vonahaqiaqi, vaina tuta veilaqe yalobea ta taudi tuta diavona ʼidia ge ida nogegu, ta ʼesi magilafudina iʼaliʼaliga ʼwaqi weaqigu. Ta ge agu ʼaidega eda lulukaiwa ʼidia edi iula weaqina, ta ʼesi taudi mali qabu edi ʼekalesia qabuna ʼinega wese ilulukaiwa ʼidia iula nana weaqina.

Loma 16:4 Mawu Ofanana

Ioni 15:13

ʼEguma taha toga yawaina nahawafelea iana weaqina, ʼinega taunana ena veyoluba qidua vaʼinena veʼita ʼifoqeyea ʼaliga nana ʼinega. Ta ge taha toga ana fata ena veyoluba ʼinega baʼe veyoluba nana naveqidua vaʼinei.

Viaqa 15:26

Ta magilafudi yawaidi niʼa iawafelea veilaqe ʼinaya Ieisu Keliso eda Kaiwabu ena fewa weaqina.

Viaqa 15:41

ʼInega itauya diʼwe Silia be Silisia ʼabaganavo ʼidia ta ʼekalesia ʼaidega ʼaidega iuledi ta igivewaiwaiedi.

Viaqa 16:5

ʼInega toʼekalesiayavo ʼabaga ʼaidega ʼaidega ʼidia edi vetumaqana vewaiwai ta adi yoʼo veveqidua ʼaubena taha taha ʼidia.

Viaqa 9:31

Ta toʼekalesiayavo diʼwe Iudia be Galili ta wese Samelia ʼidia edi toa veaqiaqi. Ta Niboana Gwalagwalana ena iula ʼinega iveʼaidega ta ivewaiwai, ta tuta qabuna Kaiwabu iʼamayabea edi ilivuyega, e ʼinega adi qabu veqidua.

Loma 16:3

Nuanuagu Filisila ma moqanedi Akwila egu lukaiwa ona simanayea ʼidia. Lova magilafudina maega afewa Ieisu Keliso weaqina.

Loma 16:5

Ta wese egu vekaiwa ona simanea tovetumaqana qabudi ʼidia ivavaʼauta Filisila ma moqanedi edi vanuea. Ta wese ia otaqigu Efenetusi egu lukaiwa ona vonea. Tauna diʼwe Eisia ʼinega maduvetumaqana Ieisu ʼinaya, ta ʼabiboda vaidi tomotau.

Loma 5:7

Ge taha toga nuanuana be yawaina nahawafelei ta naʼaliga taha tomotau aqiaqina weaqina. Ta ana fata taha toga nuanuana yawaina nahawafelei be naʼaliga taha tomotau aqiaqi otaqina weaqina.

1 Kolinita 16:1

Tuta baʼe ʼinaya nuanuagu ena vona ʼeviviemi emi vetalaʼai mane ana nei kavovo weaqina Yaubada ena tomotauyavo ʼabaga Ielusalema ʼinaya itoatoa weaqidi. Ta omiʼa nei kavovo nana ona viaqia ʼidewani lova me Galetia yavonedi iviaqia.

1 Kolinita 7:17

Niʼa yavonemi vaqi ana luvine weaqina, ta eda Kaiwabu toa dumadumana be dumadumana ʼidia niʼa aʼuda. ʼEbevetalatutula baʼe ona ʼitea: Vaida vaqivaqida, ta vaida doqai, vaida me Diu, ta vaida ge me Diu, vaida tofewa yoqoyoqonida kaiwabuyavo weaqidi, ta vaida yavuyavuida. ʼInega ʼeguma ʼebetoa diavona lova ʼidia katoatoa tuta nana Yaubada gabeda, e ʼinega ge wese ʼebetoa diavona kana nogedi. Baʼe luvine nana ʼekalesia ʼaidega ʼaidega ʼidia yaveveʼitedi.

Filifai 2:30

mana tauna yawaina awafelea veilaqe ʼinaya Keliso ena fewa weaqina, ta tuta goyona daʼaliga. Ta tua, tuta nana ʼinaya vetafeʼwa waiwai sabi iulagu, mana omiʼa otoa luluvai, ʼinega ge ami fata oda iulegu.

1 Tesalonaika 2:14

Ta omiʼa toa vitana olobea emi vetumaqana weaqina, ʼidewani taudi Ieisu Keliso ana tovetumaqanayavo diʼwe Iudia ʼinaya itoatoa vita nana wese ilobea. Mana toʼekalesia diavona vevoalana ilobea edi tomotauyavo me Diu ʼidega, ʼidewani omiʼa wese vevoalana olobea emi tomotauyavo ʼidiega emi vetumaqana weaqina.

1 Ioni 3:16

Ta wese veyoluba ilivuna niʼa kahalamania, mana Keliso yawaina awafelea ta weaqida ʼaliga. ʼInega luaqiaqieda be itaʼa wese yawaida kana awafelea taidavo weaqidi.

Veʼita 1:4

Baʼe ʼwayavi nana yaʼa Ioni ʼiguyega omiʼa ʼekalesia ami yau seveni ʼimia diʼwe Eisia gamonaya. Egu nuanua qiduana omiʼa nuakolokolo be nuadaumwala Yaubada ʼinega ona lobea. Tauna tuta ʼebeveʼale be, tuta baʼitagana ta wese tuta vataya ana Yaubada. Ta wese nuanuagu baʼe toa diavona ona lobedi niboana adi yau seveni ʼidiega. Taudi Yaubada ana galiva kaikaiwabuna ʼiawanaya itoatoa.