Ibeliu 5:6 - Molima

⁶ Ta wese taha vona Yaubada vonayea Buki Nugwenugweina ʼinaya vonaya, “Oʼa tuta vataya ana Toveguba, ʼidewani Melikisedeki.”

Ibeliu 5:6 Mawu Ofanana

Ibeliu 5:10

ʼInega Yaubada venuaʼivinea kavona Toveguba edi Tovanugweta ʼidewana Melikisedeki.

Ibeliu 6:20

Vonahaqiaqi, tuta nana Ieisu ʼaliga ʼetoluaia, ʼinega kaleko nana eabu magilafuyea. E omoʼe ʼinega Ieisu niʼau lugu weaqida ta vetoveguba kavona Toveguba edi Tovanugweta. Ta Ieisu tauna tuta vataya ana Toveguba Qiduana, ʼidewani Melikisedeki.

Ibeliu 7:11

Yaubada ena luvine ana avutugu me Isileli neidi toveguba edi viaqa ʼinega. Ta tomotau ge adi fata ina vetunutunuqa Yaubada matanaya toveguba dina edi viaqa ʼidiega, e ʼinega Yaubada taha wese toveguba vetunei mai Melikisedeki ʼidewani, ta toveguba nana ge Libai nage Eloni edi gadeyega.

Ibeliu 7:15

Ta tolaʼai niʼau yaveqaeyedi adi alamani simasimatalidi, mana toveguba taha vauvauna niʼau ʼifoqe, e tauna Melikisedeki ʼidewani.

Ibeliu 7:17

Baʼe yanidiavo simasimatalina, mana Buki Nugwenugweina simana vonaya, “Oʼa tuta vataya ana toveguba ʼidewani Melikisedeki.”

Ibeliu 7:21

Ta Ieisu vetoveguba Yaubada ena vona fofofola waiwaina ʼinega, vonaya, “Yaʼa Kaiwabu Yaubada vona fofofola waiwaina yahaʼuya, ‘Oʼa tuta vataya ana toveguba.’ Ta baʼe vona nana weaqina ge wese egu nuanua ena veaʼugivilei.”

Ibeliu 7:3

Ta ge taha buki nage leta dasimana tamana be inana taudi aiqabu, ta ge wese kada alamania ena gade weaqidi. Ta wese yawaina ana tuta ena ʼebeveʼale be ena ʼebeluʼovoa ge ana alamanimo. E ʼinega tauna tuta vataya ana toveguba kavona Yaubada Natuna ʼidewani.

Ibeliu 7:8

Taudi tovegubayavo tomotau edi kulufa qabuna ʼidiega guguna ʼaidegana iʼeweʼewedi. Vonahaqiaqi, toveguba dina taudi tomotau otaqa ʼinega iʼaliʼaliga. Melikisedeki tauna wese guguna taha ʼewea, ta ge daʼaliga, ta ʼesi Buki Nugwenugweina vonaya vonigo nawale mayawaina toatoa.