Ibeliu 1:8 - Molima

⁸ Ta Natuna weaqina vonaya, “Oʼa Yaubada eu luvine naʼeno vataya. Ta eu tomotauyavo una luvinedi luvine ʼaideganega ta tunutunuqinega.

Ibeliu 1:8 Mawu Ofanana

Madiu 1:23

“Iahaba matayauyona navalagata be natuna meʼolotona navenatunea ina gabea ana wawa Imanueli.” Ta wawa nana ana alamani “Yaubada itaʼa maega”.

Luke 1:75

Ta tuta qabuna eda ilivu aqiaqina ta tunutunuqina Yaubada matanaya.

Ioni 10:30

Ta Tamagu be yaʼa kavona ʼaidegama.”

Ioni 10:33

ʼInega iveʼiea ivonaya, “Ge wese eu viaqa weaqina ana ludabou, ta ʼesi eu vona luveifana weaqina, mana oʼa tomotau otaqa, ta tauʼu uvonavane vonigo oʼa Yaubada.”

Ioni 20:28

ʼInega Tomasi bonana qiduanega vonaya, “Oʼa egu Kaiwabu, ta wese egu Yaubada!”

Loma 9:5

Tubudiavo ʼidewani Ebelamo be Aisake ta wese Iakobo taudi Yaubada ena tomotauyavo ʼenaʼenaʼidi. Ta wese Keliso tauna Diu ʼolotona, mana me Diu edi gade ʼinega viʼoi. Keliso nana tauna Yaubada, ta tauna kuyavata qabuna luviluvinedi, ta luaqiaqiea be tuta qabuna ana awatubo ʼenoʼeno vatayana nalobelobea tomotau ʼidega! Vonahaqiaqi, eda nuanua ʼidewani.

1 Kolinita 15:25

Mana Yaubada ena nuanua ʼinega Keliso naluvine ana laba voalanavo qabudi navewaiwai vaʼinedi, ʼinega ena luvine ʼayanaya ina toatoa.

1 Timoti 3:16

Vonahaqiaqi, eda vetumaqana ana alamani ʼidaya yani ʼebenuavoqana. Ta yani qiduana Ieisu Keliso weaqina baʼe: Niʼa vetomotau, ta Niboana Gwalagwalana veʼiteda Ieisu vonahaqiaqi Yaubada Natuna, ta Yaubada ena tovaleʼewayavo iʼitea, ta Vale nana yawala diʼwe taha taha ʼidia ʼinega tomotau inoqolia, ta totoa bwaʼobwaʼo ivetumaqanea. Ta ʼabiboda Tamana ʼewa vaneqea mahalaya.

2 Fita 1:11

ʼInega ʼabibodanaya Yaubada me ena qaiawa naʼebeʼewemi ona lugu eda Kaiwabu be ada Toʼetoyavua Ieisu Keliso ena ʼEbeluvine ʼenoʼeno vatayana gamonaya.

1 Ioni 5:20

Ta wese kahalamani aqiaqiea vonigo Yaubada Natuna niʼau mai ʼidaya ta givenuaʼeqaʼuda be yaqisa itaʼa Yaubada otaqa kahalahalamania. Ta itaʼa niʼa kaveʼaidega Yaubada otaqa ta wese Natuna Ieisu Keliso maega, mana tauna Yaubada aqiaqi, ta yawai vataya ʼiuna.