1 Ioni 5:3 - Molima

³ Egu vona ʼimia baʼe ʼidewanina mana ʼeguma itaʼa Yaubada kaveveyoluba aqiaqiea, e ʼinega wese ena luvine kana vematamatayagedi. Ta luvine diavona adi matayaga ge vitana, ta ʼesi meaqana,

1 Ioni 5:3 Mawu Ofanana

Madiu 23:4

Taudi ʼavaʼavala vitadi tomotau ineineidi, ta ge taha tolaʼai ida viaqi be ina iuledi ta vita nana ina ʼavalei.

Ioni 14:15

“Ta ʼeguma omiʼa oveveyolubegu ʼinega tolaʼai niʼa yavonayedi ʼimia ona matayagedi.

Ioni 15:10

Ta ʼeguma egu luvineavo ona matayagedi ʼinega egu veyoluba tuta qabuna ʼinaya ona toatoa, ʼidewani yaʼa Tamagu ena luvineavo yamatamatayagedi ta ena veyoluba ʼinaya tuta qabuna yatoatoa.

Ioni 15:14

ʼEguma omiʼa egu luvine ona viaqidi ʼinega omiʼa egwavo.

Loma 7:12

Ta tua, Yaubada ena luvineavo nawale gwalagwaladi be tunutunuqidi ta wese aqiaqi otaqidi.

Loma 7:22

Yaʼa egu nuenuega ta wese giwaligu qabuna ʼinega yaqaiqaiawa qiduana Yaubada ena luvineavo weaqina.

Ibeliu 8:10

Ta yaʼa Kaiwabu, nawale ʼaubena nana ʼinaya luvine vauvauna ena viaqia me Isileli maega. Ta egu luvineavo ena aʼuya nuadia, ta wese giwalidia ena ʼwayavia. ʼInega yaʼa edi Yaubada, ta taudi egu tomotauyavo.

1 Ioni 2:3

ʼEguma itaʼa Yaubada ena luvineavo kana vematamatayagedi e ʼinega kana alamani aqiaqiea tauna vonigo ia otaqida.

2 Ioni 1:6

Ta veyoluba nana ana alamani baʼe: Itaʼa ʼeguma Yaubada ena nuanuayavo be wese ena luvineavo kamatamatayagedi, e ʼinega itaʼa veyoluba nana ana toviaqayavo, mana tauna niʼa luvineda be ma edavo kana veyolubeda, ʼidewani lova omadunoqolia.