1 Ioni 4:9 - Molima

⁹ Ta ena veyoluba giveʼifoqeyea ʼidaya Natuna ʼinega, mana Natuna ʼaidega otaqina vetunei mai bwaʼobwaʼoya, be yaqisa itaʼa tauna ʼinega mayawaida kana toatoa.

1 Ioni 4:9 Mawu Ofanana

Maki 12:6

“Ta wese tonivaoqa nana natu otaqina toatoa ta veyolubea qiduana. ʼInega ena nuenuega vonaya, ‘Baʼe natu otaqigu, ʼinega ina ʼamayabea’, ʼabo vetunei tauya.

Luke 4:18

“Kaiwabu Niboanina ʼiguya toatoa, mana tauna venuaʼivinegu be luvetunegu yamai vale aqiaqina sabi simanina lukwalukwa ʼidia. Ta yoqoyoqonidi wese vetunegu ʼidia, adi ʼetoyavua weaqina sabi simanina. Ta wese vetunegu matadi kwayakwayana ʼidia sabi giveaqiaqidi. Ta wese luvetunegu totoa vita ʼidia sabi ʼetoyavuidi adi aviayavo nimadiega,

Ioni 10:10

Ta tovanawala nana ena mai ʼiuna, mana nuanuana navanawala be, naluveʼaliga ta wese nagiveluveifa. Ta ʼesi yaʼa yamai tomotau yawaidi sabi neidi be yaqisa edi toa naveaqiaqi otaqa.

Ioni 14:6

ʼInega Ieisu vonea vonaya, “Yaʼa ʼEda nana be Vonahaqiaqi ta wese Yawai ʼiuna. Ta ge taha toga ana fata be nalugu Tamagu ʼinaya mali ʼedega, ta ʼesi yaʼa agu ʼaidega otaqa ʼiguyega nalugu.

Ioni 3:16

Mana Yaubada tomotau qabudi bwaʼobwaʼoya veyoluba vaʼinedi, ʼinega Natuna ʼaidega otaqina awafelea be yaqisa tomeqabu ivetumaqanea gebu ina ʼaliga, ta ʼesi yawai vataya ina lobea.

Ioni 3:18

“Ta tomeqabu Yaubada Natuna ivetumaqanea ge wese luvine ina lobei, ta ʼesi tomeqabu ge ida vetumaqanea niʼa ilugu luvine ʼinaya, mana taudi ge ida vetumaqana Yaubada Natuna ana ʼaidega otaqa ʼinaya.

Ioni 5:23

be yaqisa tomotau qabudi yaʼa Natuna ina ʼamayabegu ʼidewani Tamagu iʼamayabea. Ta ʼeguma taha toga ge nuanuana naʼamayabegu ʼinega tomotau nana ʼinaya ge wese ʼamayaba daʼenoʼeno agu Tovetune Tamagu weaqina.

Ioni 6:29

ʼInega Ieisu vonedia, “Yaubada ena nuanua baʼe ʼidewani: Yaʼa vetunegu, ta nuanuana ona vetumaqanegu.”

Ioni 6:51

Yaʼa baʼe taugu beledi mayawaina ta mahalega yawebui mai. ʼEguma taha toga baʼe beledi nana ʼinega naʼai tauna toa vataya nalobea. Ta baʼe beledi nana tauna veiʼogu, ta yaveʼineiea totoa bwaʼobwaʼo qabumi yawaimi weaqina.”

Ioni 6:57

Tamagu mayawaina vetunegu yamai, ta tauna ʼinega tuta qabuna yawaigu yaʼeweʼewea. ʼInega wese ʼidewani ʼeguma taha toga tuta qabuna ʼaiʼainigu tauna wese yawaina ʼiguyega naʼewea.

Ioni 8:29

Ta yaʼa agu Tovetune maega atoatoa. Tauna tuta qabuna diʼweguya, mana egu viaqa qabudi yaviaviaqidi sabi giveqaiawana.”

Ioni 8:42

ʼInega Ieisu vonedi vonaya, “ʼEguma omiʼa tamami Yaubada ʼinega oda veveyolubegu, mana yaʼa Yaubada ʼinega yamai ta baʼitagana omiʼa maega katoatoa. Yaʼa ge taugu egu nuenuega eda mai ʼimia, ta ʼesi Yaubada vetunegu.

Ioni 9:3

Ta Ieisu vonedia, “Gebu tauna ena luveifana ʼinega ta wese ge inana nage tamana ʼidiega. Ta ʼesi baʼe yani nana ʼifoqe be yaqisa tomotau Yaubada ena viaqa waiwaidi ina ʼitedi benaʼe ʼoloto nana ʼinega.

Loma 8:32

Yaubada Natu Otaqina ge davegagalei, ta ʼesi veʼineiea ana aviayavo nimadia ta iluveʼaligia eda luveifana sabi ʼewa yavulidi. Ta ʼeguma Yaubada baʼe yani nana viaqia itaʼa eda veaqiaqi weaqina, e ʼinega kana alamani aqiaqiea wese yani qabuna nanei kavovoda eda toa aqiaqina weaqina.

Ibeliu 1:5

Baʼe ʼiuna ʼinega Yaubada ena tovaleʼewayavo qabudi ʼidiega ge taha toga ʼinaya davonei, “Oʼa Natugu, baʼitaga yavetama ʼiuya.” Ta wese Yaubada ge taha toga ʼidiega davonei, “Yaʼa tauna tamana, ta tauna yaʼa natugu.”

1 Ioni 3:16

Ta wese veyoluba ilivuna niʼa kahalamania, mana Keliso yawaina awafelea ta weaqida ʼaliga. ʼInega luaqiaqieda be itaʼa wese yawaida kana awafelea taidavo weaqidi.

1 Ioni 4:10

Veyoluba aqiaqi ana alamani baʼe ona noqolia: Itaʼa Yaubada ge kada maduveyolubei, ta ʼesi tauna maduveyolubeda, ʼinega Natuna awafelei mai ta vegubayea eda luveifana sabi ʼewa yavulina.

1 Ioni 4:16

Ta Yaubada ena veyoluba ʼidaya niʼau kahalamani aqiaqiea ta wese kavevetumaqanea. Vonahaqiaqi, Yaubada tauna veyoluba ʼiuna. Ta tomeqabu veyoluba ilivuna ʼidia ʼenoʼeno, e taudi Yaubada maega niʼa iveʼaidega.

1 Ioni 5:11

Ta simana nana ana alamani baʼe: Yaubada toa vataya niʼa neida, ta toa vataya nana Natuna ʼinega kana lobea.

1 Ioni 5:13

Egu leta baʼe yaʼwayavia waiwai omiʼa Yaubada Natuna ana tovetumaqanayavo ʼimia, be yaqisa ona alamani aqiaqiea omiʼa yawai vataya ami luaqiaqi.