1 Ioni 1:8 - Molima

⁸ Ta ʼeguma itaʼa kana vonaya, “Ge taha eda luveifamo”, e ʼinega taudega kauʼauʼaveda ta Yaubada ena vonahaqiaqi kanogenogea.

1 Ioni 1:8 Mawu Ofanana

Ioni 8:44

Omiʼa tamami Seitani, ta nuanuami tauna ena nuanua ona viaqia. Tuta ana ʼebeveʼale ʼunu ʼinega tauna toluveʼaliga, ta wese Yaubada ena vonahaqiaqi vevevoalanea, mana ge taha ana tufwa vonahaqiaqi daʼenoʼeno ʼinaya. Tauna ena uʼavayavo bonanega vona ʼifoqeyedi, mana tauna tovemeahaqila aqiaqi ta wese tauna uʼava tamana.

Loma 3:10

ʼIdewani Buki Nugwenugweina vonaya, “Ge taha tomotau tunutunuqina Yaubada matanaya, vonahaqiaqi ge taha toga.

Loma 3:23

Tomotau qabuda niʼa kaluveifa otaqa, ta ge taha toga ʼidega Yaubada ena aqiaqi otaqa ana ʼetofwafwa dalobei.

1 Kolinita 3:18

Ge nuanuagu taha toga taunega nauʼavei navonaya, “Yaʼa toalamani aqiaqi!” Vaina ʼimiega ovonaya be omiʼa toalamani aqiaqi mana emi alamani kavona totoa bwaʼobwaʼo edi alamani ana ʼetofwafwa ʼidewani. Ta egu nuanua ge ona nuavane emi alamani weaqina, ta ʼesi taudi Yaubada ge ida alamania ona awafeledi be ina ʼawakwavakwavayemi, be yaqisa Yaubada matanaya ona vetoalamani aqiaqi.

Galetia 6:3

Ta ʼeguma taha tomotau kavokavovo taunega ana wawa nagivaneqea ta navonaya, “Yaʼa agu wawa qiduana!” e ʼinega taunega uʼavea.

1 Timoti 6:5

Ta tuta qabuna vita ʼifoʼifoqe tomotau diavona ʼidiega, mana veʼita aqiaqina ge ida alamania. Ta taudiega ivonaya be tafwalolo ana fewa ʼinega bwaʼobwaʼo ana kaikaiwabu ina lobei.

2 Timoti 3:13

Ta tomotau luveifadi be wese toveʼita ʼeuʼauʼavidi edi luveifayavo naveʼenaʼi. Taudi tomotau ina uʼavedi, ta wese taudiega ina uʼavedi.

Iemesa 1:22

Ta vona nana ge ona noqoliamo, mana ʼeguma ona noqolia ta ge ona ʼabibodei be ona viaqi, e ʼinega kavona taumiega ouʼauʼavemi.

Iemesa 1:26

Ta ʼeguma taha toga navona be tauna totafwalolo aqiaqi, ta ge ana fata meana naluvinei, e ʼinega tomotau nana taunega uʼauʼavea, ta ena tafwalolo yani kavokavovo, mana ena tafwalolo ʼinega ge ana fata ʼetoyavua nalobei.

Iemesa 3:2

Vonahaqiaqi, qabuda luveifana kaviaviaqia, ta ʼeguma taha toga meanega ge taha vona luveifana daʼifoʼifoqe, e ʼinega tauna ʼoloto tunutunuqina ta ana fata ʼwafina qabuna naluvinea.

2 Fita 2:13

Taudi edi veʼita ʼinega Yaubada ena tomotauyavo igiveluveifedi, ta giveluveifa nana ʼinega nawale adi veʼia luvematasabu qiduana ina lobea. Taudi edi ʼebeqaiawa yani qabuna luveifadi ʼidiega, ta ʼaubenaya iviaviaqidi ʼwafidi ana giveqaiawa weaqina nage adi lutonova ana giveaqiaqi weaqina. Ta tuta nana taudi maega oʼaiʼai ʼinega edi ilivu luveifana ʼinega igigivebwavumi. Ta edi givebwavu nana ʼimia weaqina iqaiqaiawa.

1 Ioni 1:10

Ta ʼeguma taudega kana vonaya vonigo itaʼa ge taha luveifana kada viaqia, e ʼinega itaʼa Yaubada kaveʼewea vonigo tauna touʼava. Ta baʼe vona nana ʼinega Yaubada ena veʼita aqiaqi ge kada ʼawahaqiaqiea ta veʼita nana giwalidaya ge daʼenoʼeno.

1 Ioni 1:6

ʼInega ʼeguma taudega kana vonaya vonigo itaʼa niʼau Yaubada maega kaluvetuba ta kaveveiaiana, ta nawale velovelovana ana ilivu ʼinaya katoatoa, e ʼinega itaʼa toʼeuʼauʼava eda vona ʼidiega ta wese eda viaqayavo ʼidiega.

1 Ioni 2:4

Ta ʼeguma taha toga navonaya, “Yaʼa Yaubada yahalamani aqiaqiea”, ta ena luvineavo ge daʼabibodedi, e ʼinega tauna touʼava ta Yaubada ena vonahaqiaqi ge dahalamania.

1 Ioni 4:20

ʼEguma taha toga navonaya, “Yaʼa Yaubada yaveveyolubea!” ta taina vevevoalanea, e ʼinega tauna touʼava, mana taina tuta qabuna ʼiteʼitea ta ge daveyoluba aqiaqiea, e ʼinega touʼava nana ge wese ana fata Yaubada naveyolubei, mana ge taha tuta daʼitea.

2 Ioni 1:2

mana Yaubada ena vonahaqiaqi omiʼa be yaʼa giwalidaya ʼenoʼeno, ta baʼe vonahaqiaqi nana ʼidaya ʼenoʼeno vatayana.

3 Ioni 1:3

Lova vaina tovetumaqana baʼidia imai ta iveluluʼuya oʼa weaqiu maʼoda Yaubada ena nuanua uʼabiboda aqiaqiea. Ta baʼe ʼinega igiveqaiawa otaqigu, ta wese isimana ʼiguya oʼa vonahaqiaqi ana ʼeda ʼinega utautauya.