Matthew 27:54 - Te Gongo Gaoi

⁵⁴ Te gholoba noko hiina'i ai te tugi tau'a ma tena tu'uganga noko manga tutu'u o ge'o ia Jesus, ki te o'i o'i 'anga, ma ba'i hai 'anga noko hai, ko kigatou na matataku toto'a kae gegea toto'a ake, “E maa'ogi, ko Ia te Hosa o God.”

Matthew 27:54 Mawu Ofanana

Matthew 26:63

Ka ko Jesus noko pau o he'e muna. Te hakahua o na priest noko hai atu kia Jesus, “Koau e hai atu kia te Koe i te ingoa o God ma'ugi goa: Hogahoga mai kia te kimatou, i te poi tenaa Koe te 'Agiki Taga'ia, te Hosa o God.”

Matthew 27:36

Kae noho 'aki o mata e kigatou ia Jesus i te kunga na.

Matthew 27:40

Kae hai atu, “Ko Koe ka tuki te Hage Tapu ka ke go 'ati hoki i te togunga 'ao? Haka ma'ugi iho ia te Koe! Hinaiho i te kros na i te poi ko Koe te Hosa o God!”

Matthew 27:43

Ko Ia e sano kia God. Tuku atu a te 'Aitu ke haka soi ia te Ia i te gholoba nei i te poi siahai Ia kia te Ia, na'e noko konei Ana gea, “Ko Au te Hosa o God.”

Matthew 27:51

Te gholoba na, na maha'a gua ai te laoa maatogu noko tau i te uso o te Hage Tapu, haka tu'u iho i 'agunga o hetae iho ki gago. O'i o'i ma'u a te kege kae maha'aha'a ai na hatu mogi.

Matthew 4:3

Ko te 'atua pake noko a'u kia Jesus o hai atu, “Ko Koe nimaa te Hosa o God, gea atu ki na hatu nei ke haka haagiu ai ni utunga.”

Matthew 8:5

Te 'aso na hetae ai a Jesus ki Capernaum, te hutiaki o na pegea hai tau'a o Rome noko a'u kia te Ia, ke haka ene kinai he 'abakinga.

Mark 15:39

Ka te tugi tau'a noko manga tu'u 'ago ia Jesus, na haka gongo ki tena ngege 'anga, kae ina ma'u ki te kogaa ana mate 'anga, o hai ake, “E maa'ogi to'a, te tangata nei te Hosa o te 'Aitu.”

Luke 22:70

Ko kigatou ngatahi noko hai atu kia Jesus, “ 'Ai ko Koe te Hosa o te 'Aitu?” Haka tau a Jesus o hai atu kinai, “Koutou kua 'oti i te gegea mai ai, ko Au.”

John 19:7

Ma te haka tau na Jew kia te ia o hai atu, “Ko kimatou e hai ta'a matou tagangonga. E haka papata ki te tagangonga nei, ko Ia e hai ke mate, iteme'agaa e hai ake, ko Ia te Hosa o te 'Aitu.”