Luke 22:3 - Te Gongo Gaoi

³ Nimaa ugu a Satan ia Judas, e mate ma'u ko Iscariot, te launatasi i te tino anga hugu tuma'a e gua.

Luke 22:3 Mawu Ofanana

Matthew 10:4

Ko Simon te ‘zealot’, ma Judas Iscariot noko haka soko eia ia Jesus.

Matthew 26:23

Ma te haka tau atu a Jesus, “Te pegea kua gogomi te gima ki te besini ma to 'Oku, tenaa ia kago haka soko e ia ia te Au.

Matthew 4:10

Hai atu kinai a Jesus, “Hinatu 'aatea ia te Au, Satan. Na 'oti i te hai ake na Kanukanu Tapu: ‘Manga sogi atu kia te 'Agiki te 'Aitu o 'ou, ma te manga hai hekau kia te Ia launatasi.’ ”

Luke 22:21

Ka te pegea kago haka soko eia ia te Au manga haka pata kia te Au i te kunga e kai nei.

Luke 6:16

ma Judas te hosa o James, ma Judas Iscariot te pegea noko hai ke go haka soko ia Jesus.

John 12:6

Ko Judas noko he'e konei ana gea i te 'agoha ki na pegea lae, ka naato'o ia te ia te pegea kaia'a noko he to'o 'aki eia te kete mane o manga sa'ohie i na mane.

John 13:18

“Ko Au e he'e gea kia te koutou ngatahi, e na'a e Au oku pegea noko ligo, ka te hai 'anga ke haka maa'ogi ai na Kanukanu Tapu, noko hai ake: ‘Te pegea manga kai 'aabaki i aku utunga, e hai ke go taka hugi o haka makau ia te Au.’

John 13:2

Ko Jesus ma ona pegea haka ako noko manga koi noho 'aki i te kainga i te ahiahi, ko Satan na 'oti i te haka niniko ia Judas Iscariot, te hosa o Simon, ke haka soko ia Jesus.